close


我讓賽啫！（設計對白）着件工字白背心， 攞住個飯盒嘅林峯，真係有啲似準備去西九地盤開工（右圖）！之但係，邊有咁靚仔、仲用姣粉紅手機殼嘅建造業工人吖？
唔使媽咪姐講， 大家都知「chok」呢個字係由林峯發揚光大嘅！但時至今日，唔少「後輩」已經急起直追，威脅到林公子嘞。今期「挑機者」係——蘇民峰！

話說周一晚（21日），兩個「峯」喺尖沙嘴柯士甸道隧道拍緊新片《男人如衣服》。等媽咪姐recall番你嘅記憶，嗰度就係06年魔警槍殺案現場嘞！唔知係咪心理作用啦， 硬係覺得嗰度有啲陰風陣陣。劇情講友情客串嘅蘇師傅，正正喺呢條死過人嘅隧道入面擺咗個風水檔，而着到官仔骨骨嘅林峯，就走去睇番個發財面相。原本媽咪姐諗住近距離感受峯峯嘅chok啦！點知林公子嗰日着住件麻甩白背心化妝同吔飯，全程只係插咗幾吓褲袋（之前每6秒插一次㗎！），非常之咁down to earth。蘇師傅呢？就真係唔講得笑！導演谷德昭一嗌action，一陣怪風吹嚟，佢起勢咁chok一chok條頸，嘩！嗰頭長髮猶如「倩女痕」，仲有幾條髮絲撻埋上面。Sorry，峯峯。呢一round，you lose！

當地產經紀遇上「筍盤」
趁工作人員轉景， 林峯行上隧道，去地產公司門外吓樓盤行情。女地產經紀見有客到嗱嗱聲推門招生意。一見峯峯，呆咗！ ####


呢排林峯要拍新劇《雷霆掃毒》，又要去美加巡迴演唱會，依家仲拍埋戲！難怪攰到見住同場嘅𡃁模都擰歪面。


呀！我條頸呀！（設計對白）


就係呢下！你見到飛揚嘅秀髮、面上嘅髮絲嘛？嗰種動感，蘇師傅chok到頸都歪埋先做到㗎。嚇到林峯彈起，速逃！


嘩！筍盤呀！（設計對白）


有兩個豪宅在手嘅峯峯，攞晒新盤單張，似乎仲想入貨。地產姐姐即刻狂sell佢買現崇山同昇御門。


無幾耐，地產姐姐直情叫埋經理出嚟！但唔係sell盤喎，係叫經理幫手同峯峯影合照。「筍盤」喎！地產姐姐點會放過。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄