close


累死啦！台灣《壹週刊》圖片


新婚冇耐嘅Ella（陳嘉樺），工作多到連度蜜月嘅時間都冇，明星人妻都真係唔易做！呢，早幾日佢又參加一個叫「純女路跑賽」嘞。

 
話說當日Ella入場時，精神奕奕， 熱身嗰陣都係威係勢，誰不知原來係有姿勢冇實際！媽咪姐睇住佢只不過fing咗幾吓手，再fing咗幾吓腳啫，話咁快成個人已經頹晒！暈低咁滯。本來以S.H.E三個人嚟講，Ella一直係最硬淨一個，但依家竟然活動都未正式開始，就咁快「累」低，30歲女啫！瘀啲喎。嗱，唔好怪媽咪姐心邪，睇嚟呢位明星人妻可能同老公賴斯翔趕「造人」趕到成個人虛晒噃。再咁搞法，容乜易行多步都氣喘㗎。賴生，唔該錫住老婆呀！ ####

 


不夠氣！


要暈了！


老婆你太失禮了。（設計對白）當日Ella老公賴斯翔仲嚟捧老婆場。不過見到Ella咁款，唔知賴生有咩感想呢？


Ella同老公賴斯翔喺婚禮上已經如此火辣。那麼Ella腳軟無力似乎理所當然喎。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄