close


仲笑？俾你累死嘞！﹙設計對白﹚嘻，你個底花啫！﹙設計對白﹚劉浩龍和鄭融分手後首度同台表演，女嘅大方將呢個「第一次」獻俾師兄，啲fans就驚死佢哋翻撻，呷晒醋囉。
日前，劉浩龍喺香港藝術中心舉行兩場小型音樂會，呢位師兄喺圈內人緣好，陳奕迅、徐濠縈、謝霆鋒、梁漢文等好友齊齊撐場。之不過，點都唔及師兄前女友鄭融出場咁震撼，呢對舊情人一見面就攬晒，合唱〈滄海遺珠〉。

 
訪問時，師兄猛話要多謝「前度」：「一打俾佢，立即答應。翻撻？唔好亂講，我哋依家係朋友，佢有男友，我同以前嘅女朋友都可以做番朋友。」難得兩位當事人咁放得開。但鄭融將喺後台準備時嘅相放上微博，竟然俾師兄fans鬧爆，話佢做乜着住劉生件綠色外套喎。鄭小姐即時解釋話件外套係師兄送俾每位嘉賓嘅禮物，仲喺微博急call師兄，叫佢向歌迷解釋。不過開完兩場騷，師兄都無蒲頭幫手解釋。唉！真係搵完着數就算數？ ####

 


鄭融着住同劉浩龍同款（上圖）嘅外套喺後台化妝，點知師兄fans睇唔過眼鬧爆，嚇到鄭融要喺微博求救。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄