跳到主文
部落格全站分類:偶像明星
娛樂八掛大放送★
娛樂 週刊 雜誌(2014-2015)☆
娛樂 週刊 及 雜誌(2012)☆ 娛樂 週刊 及 雜誌(2013)☆
咁有緣,搵我拍齣《那些年》續集啦!我對腳一定長過沈佳宜。 講起《那些年》,前排媽咪姐去台中玩,一場去到梗係要去《那些年》嘅拍攝場地「精誠高中」走轉啦!自從套戲hit爆,嗰度即成為旅遊景點,不過只限放學時段(下午5點至7點),個個都想搵番個現實版柯騰同沈佳宜㗎嘛!媽咪姐都唔例外,入到去周圍。不過,靚仔靚女就搵唔到,去到佢哋俾人罰紮馬嘅「榮譽榜」走廊,竟然搵到個陳敏之!哈哈,不過佢係一個男學生, 個樣又無柯騰咁cute囉。
逛完學校,再去柯騰同班兄弟成日去hea嘅「阿璋肉丸」朝聖,嗰度用咗班演員做生招牌,整咗幾個1:1嘅人形紙牌俾遊客影相。雖然《那些年》已經落咗畫成年,估唔到佢嘅餘威仲好勁喎! ####
「榮譽榜」走廊裝修過, 加設一列表揚牌, 其中呢位文質彬彬嘅男同學就同無綫花旦一樣,叫「陳敏之」,好親切呀!
睇到呢兩位「精誠中學」嘅男女同學,就知《那些年》真係一場戲,邊有咁多柯騰同沈佳宜吖。
周不時都見到有人同紙牌影「沙龍」,狂閃無停過。
818 娛樂八掛大放送★
stacylife 發表在 痞客邦 留言(0) 人氣()
留言列表