close


麒麟臂去到「添好運」，劉美君係咁望住個餐牌眼都唔眨，好餓吓喎！
近排杜麗莎忙住同倫伯（譚詠麟）搞演唱會，《巨聲》另一評判劉美君就繼續hea住過。前周五（11日），媽咪姐就見到呢位樂壇烈女同一個女友人閒逛中環。當日着住貼身小背心、legging加涼鞋嘅佢明顯大隻咗唔少，真係操到有啲似女金剛喎！

 
兩人逛咗陣ifc，就熟門熟路咁去咗星級食店「添好運」買點心，女友人負責排隊買嘢，劉美君就狂玩電話。外賣到手後，劉美君好識do，嗱嗱聲攞個紅色購物袋入起食物。睇唔出47歲嘅樂壇潮媽都係環保分子，媽咪姐好欣賞呀！ ####

 


劉美君身形一向都係圓圓潤潤，不過就冇依家咁有對麒麟臂啫。


孕味重等外賣等到悶，劉美君玩手機打發時間，熊仔吊飾好鬼cute！但呢一身造型，孕味好重啫！


環保大使攞咗外賣，入落紅色環保袋，二人急急腳走，見劉美君行路時好有氣勢，俾佢打一拳，起碼暈三日。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄