close


路邊執車袁偉豪要搬一嚿疑似電池嘅嘢上車，出盡力咁款！一彎身，底底即刻出嚟同大家say hello。
除咗羅仲謙，拍《結•分＠謊情式》上緊位嘅袁偉豪都牽涉入裸照案，有傳喺上年仲協助過警方調查，但佢就回應話：「嗯……冇呀！」

 
都係嗰句，媽咪姐唔係警察又唔係法官，鬼知邊個真係入咗「艷照門」咩！之不過，記得早前喺紅磡嘅海濱長廊見過袁偉豪，嗰日佢無啦啦泊架車喺路邊，開咗車尾箱，彎低腰猛咁執嘢。執吓執吓，仲無情情露埋under㖭。Wooooooooo，咁樣好危險㗎，後生仔！你話晒係07年香港先生冠軍，副「偈」有番咁上下，就算唔係62歲嘅富公子劉生，都仲有唔少同志實你噃！ ####

 


可能feel到尾龍骨有啲涼涼哋！佢即時後面有無人喺度，警覺性又幾高喎。


執完車尾箱，袁生不忘喺車邊擺番個pose。唔知嘅，仲以為佢想截的士㖭！


喺《結•分@謊情式》入面， 袁偉豪同林夏薇嘅一段兜轉情緣係我哋班靚太嘅追劇原因之一。係咯，袁生同謙謙一樣上緊位，呢勻真係頭痕㗎！《蘋果日報》圖片

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄