close


你又偷食?﹙設計對白﹚唏，大肚婆大晒㗎！﹙設計對白﹚
老實講句，睇娛樂新聞嘅嘢，媽咪姐同大家一樣，有時都係估估吓！好似丁子高成日投訴老婆千嬅好為食，大肚都唔戒口，擔心死喎。嗱，咁我又無親眼見，點知丁生你係咪過分緊張先？不過呢次唔同嘞！睇《忽周》有真相，今期全程直擊下個月就生得嘅超磅千嬅，同幾個friend喺「四季」high tea狂擦。媽咪姐睇片見呢位烈女人妻全程無停口，從呢個連環鏡頭就知道，佢對食真係好熱誠，雙眼全程實個cake㗎！食得快夾狠。又真係難怪丁生會擔心嘅。

 


《忽周》睇真啲正片唔好miss！

小春唱live仲得喎！
都係嗰句，口講無憑，親耳聽呢？就唔同講法嘞！就講陳小春吖，佢近年都好少喺香港公開唱歌，媽咪姐差啲唔記得佢曾經係當紅歌手㖭。不過睇片見佢喺內地登台，唱自己嘅國語名曲〈獨家記憶〉，又好ok喎，衰鬼！浩南哥鄭伊健都開咗幾次concert啦，幾時到你呀，山雞？

Jacky Yu煮得又聽得呀！
唔怕話俾大家知，媽咪姐個人有時真係幾現實又腌尖！就講睇片學煮餸吖，個示範廚師靚仔啲，咁一定睇得入神啲。而「囍宴」創作主廚Jacky Yu睇得，就係人都知！不過睇埋片，聽住佢用沉厚嘅聲線，好溫柔咁講解點煮秋葵火鴨紅咖喱，又真係另一種享受呀。 ####



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄