close
無論上《勁歌》錄映，抑或去 HMV做宣傳呢類細 job，老細何哲圖都採取人釘人攻勢，咬住鍾嘉欣唔放。
同你吟一吟
鍾嘉欣有跟得老細錫晒
今年有四套劇出街，但得《護花危情》入到圍爭「最佳女主角」嘅鍾嘉欣，坦言冇信心贏佢認為機會高一線嘅楊怡外，仲對自己冇份提名「我最喜愛的電視女角色」好失望，詐嬌話公司唔夠錫佢。
無綫多「仔女」，偏心難免，冇問題！有唱片公司老闆錫晒補番。上星期四（二十二日），鍾嘉欣出席新唱片推出一個星期登上銷量榜冠軍活動，「星煥」老細何哲圖全程傍住，冇離開半步。
唔擔心公司其他歌手有怨言，更加唔怕老婆余詠珊扭耳仔，人夫何哲圖用心何在，盲都見到。鍾嘉欣話想出年喺九展開個唱，唔，又唔係紅館，何哲圖實搞得掂嘅！
鍾嘉欣只憑《護花危情》叫視后一飛， fans鬧爆無綫，組團舉牌出席偶像新唱片活動助威。
唱片推一個星期，已打上銷量榜冠軍，鍾嘉欣坦言已儲定歌，明年九展見。
親自揸機同 fans玩自拍，識做！
全站熱搜
留言列表
