close
同你吟一吟
劉嘉玲七折使錢
娛圈一班中女趕做阿媽，望四過四甚至望五張，都千方百計搏一搏。同梁朝偉結婚四年嘅劉嘉玲，婚後亦試圖為老公生番一兒半女，可惜就算搵埋生仔聖手幫拖，依然成唔到事。
有二五同八珍講，醫生講咗係關個人體質問題，人工受孕，都要母體配合，嘉玲亦接受現實並冇勉強，二五話佢已經將心思時間放喺做生意方面。
引進外國品牌返國內，搞蒲場，愈做愈多瓣數嘅嘉玲近兩年大陸做嘢香港放假，早個禮拜，鍾意中環活動嘅佢，同助手行 Landmark掃貨換季，買到一車都係，之後再 walk去 hair salon整頭。
搵人仔使港紙，名店 VIP嘅劉嘉玲，計落全年起碼七折購物，慳唔少。
助手（藍衫）陪血拼，大豐收，冇化妝戴帽戴超嘅嘉玲（箭嘴），去整頭扮靚前，返轉頭再交帶司機多兩句。
嘉玲放假返香港，朋友聚會係例牌活動，早排嘉玲約埋曹眾（小圖）等一大班朋友，去灣仔文鼎酒家食寧波菜。
全站熱搜
留言列表
