818 娛樂八掛大放送★

《衝上雲霄II》又惹是非　C小姐遲到犯眾憎？
2012-11-29 14:08:54

無綫重頭劇《衝上雲霄II》連日嚟爆出唔少負面新聞，先有傳吳鎮宇躁狂鬧人，又有張智霖數臭PA等等。

日前又有疑似TVB髮型師同化妝師o係微博發火，喪插「C小姐」唔守時，日日要成crew人等佢一個，髮型師話：「這個月在外地工作，差不多每天都是0530在等那個「C小姐」，但那個「她」總是臨出發怎致遲到至0720左右才出現，影響我的睡眠及更甚是我們團隊一整天的時間。我這個月無論如何向那些所謂負責人反映怎致那些所謂「高一點」的人知道也不敢言。6號開始至今最後一天了。」但過咗一陣，又刪除咗留言。

相信傳聞會引嚟全城競猜誰是C小姐，而《衝上雲霄II》有幾多位「C小姐」呢？計埋最少都有陳爽、陳法拉、陳倩揚等人。

其中陳法拉噚日喺微博度話：「反省：不要總是一來就當作別人都知道自己、明白自己，有時誤會就是這樣產生的。所以，不要怕麻煩去溝通，為他人著想，主動多行一步可能會事半功倍。還有，真心、坦白和寬容是最好的修補劑。」咁感性，唔知發生乜事呢?

有微博疑似係TVB嘅髮型師同化妝師鬧爆C小姐，不過冇耐又刪咗留言。

被篤背脊　陳法拉認遲到
2012-11-29 20:23:21

TVB重頭劇《衝上雲霄II》是非多多，岩岩先有報導話法拉姣溝人夫Chilam，近日又有新是非。

近日有位疑似TVB工作人員喺微博發炮，喪鬧「C小姐」唔守時，令人聯想係篤女主角陳法拉背脊，大隊從倫敦完成拍攝返港，法拉解釋：「自己絕對跟劇組安排工作行程，試過一、兩日遲十幾分鐘，相信大家溝通有出入，自己絕對冇影響拍攝，大家相處咁耐好有團隊精神。」

見法拉未有被是非問題影響心情。