close
吳國敬反應快，一眼 𥄫到有人影佢相，仲交咗個好兇狠嘅眼神出嚟。
同你吟一吟
吳國敬繼續守行為
常言 rock友特別火爆，呢類講法，等同對食屎狗污糟貓嘅形容一樣，冇老屈！
打 band火人代表吳國敬，就試過因為喺屋企自彈自唱，被鄰居投訴太嘈，點知佢一撻即着，出到刀仔嚇人，最終被判自簽擔保三千蚊、守行為九個月，好在唔使留案底。
上星期二（二十日），《壹》仔中環行咇，肚餓入茶餐廳搵嘢食，坐低就見到吳國敬同女友喺度食豬扒包，《壹》仔當然唔會顧住食唔做嘢，手機當相機，影咗先！
四十六歲嘅吳國敬，獵犬反應冇因為年紀大咗減慢，即時眼厲厲，怒啤《壹》仔，表情十足「再影就你」嗰款！但受過教訓，吳國敬仲知驚，齋望唔郁，繼續守行為。
同女友拖手行街，吳國敬攞住袋八珍唔捨得買嘅 Chrome Hearts，好有喎！
試過爭執出刀恐嚇鄰居嘅吳國敬，因為控方不提證供，舊年五月獲裁判官判守行為九個月，離開裁判署時話日後會盡量控制脾氣。唔，佢都有做到嘅！（《蘋果日報》圖片）
全站熱搜
留言列表
