理大工業及產品設計系 Yr.2 Harriet（林曦瑤）
五呎五吋高的 Harriet說話夾雜英文之餘，中文亦半桶水，「有次同莊員去大牌檔食飯，我睇完 menu就話『不如我哋食鵝肝啦！』」但她原來將鵝腸講咗做鵝肝！勁瘀！
U花 U草
純女最愛血腥 GAME 理大超蓮
倫常慘案一單接一單，繼父母碎屍後又有青年因打機走火入魔而揮刀斬死雙親，令人心寒。
不過沉迷打暴力 game未必個個係毒男，現就讀理大工業及產品設計系 Yr.2，有理大超蓮之稱的 Harriet（林曦瑤）亦是打機迷，更加最愛血腥 game，「我同男友打《刺客信條 III》！不過我個人咁斯文，唔會殺父母咁變態！」可以同索女一齊劈劈劈，隻 game幾血腥都唔會亂性啦！
斯文開朗的 Harriet一向喜歡玩《模擬市民》（ Sims），「 Sims啲 graphic好靚，又可布置間屋，啱晒讀產品設計嘅我，所以耐不耐都會玩當做功課 brain storm吓！」不過自從 7個月前 Harriet識了同 Hall男朋友後，打機口味亦大變，「我見佢勁鍾意打機，之前仲特別沉迷《刺客信條 III》，為咗氹佢開心就主動跟佢學玩，當完成唔到任務，我同男友都會一齊煲攻略，估唔到自己都上咗癮，有時仲會主動撩佢喺宿舍一齊打機，連打４個鐘都試過，個 game係血腥咗少少，不過我個人好溫柔，唔會打完去殺父母咁變態嘅！」除了《刺客信條》， Harriet連槍 game《 Counter Strike》都啱玩，「等敵人出嚟嗰刻真係好緊張刺激！射得中對方我仲好滿足！」
回流讀 Poly
Harriet是理大攝影學會的莊員，雖然她又靚又索，但她不喜歡自拍，「我鍾意影人影靚景，就算同男朋友出去，都係我揸機影佢多，俾人影自己會有啲唔自然！」
雖然 Harriet迷玩血腥暴力 game，不過她不像其他打機毒男， Harriet和家人感情非常好，現時 20歲的她曾在英國列斯（ Leeds）留學九年，一直在學校寄宿的她雖然自細獨立，回港仍十分珍惜與家人相處，「媽咪喺理大教書，我細細個就成日喺 Poly出沒，當咗呢度係半個屋企，所以就算喺英國讀完高中，就決定入 Poly，𠵱家入到嚟讀書又住埋宿舍，好少時間返屋企，所以一有時間就會約媽咪去 canteen食飯，傾吓偈！爸爸都好錫我㗎，佢本身係攝影發燒友，知我入咗攝影學會，仲買咗部 Nikon F2菲林相機送畀我，真係勁開心！」有家庭有愛情，打吓機又點會壞腦！
愛影風景
熱愛攝影的 Harriet鍾意去旅行影風景，「每次去旅行我都會帶多過一部相機慢慢影，呢張巴黎鐵塔我好鍾意，好有 feel！」
掛住英國
鬼妹仔 Harriet（左二）回港兩年，但仍未習慣香港生活環境：「嗰邊雖然會好凍，但嗰邊讀書好舒服，環境又好，有時間我都想返英國探吓啲朋友！」
打機談情
Clive（右）是 Harriet的第一個男友，二人除行街睇戲外，最大的共同興趣就是在宿舍打機，認真羨煞旁人!
撰文：葉浩婷
攝影：何榮亮
化妝： Wing@Wing L image
形象： Bryan@the Flaming
服裝： Pull and Bear
留言列表
