close


2AM珍雲
只得20歲嘅珍雲，有成6呎1吋男模身高，有齊萬人迷條件。

韓國6人「野獸」組合2PM，個個爆肌引死女，其實比2PM早2個月出道嘅同門4人組合2AM都唔執輸，成員一樣咁大隻、同樣喺韓國勁受歡迎。
2AM中最多人like，一定係隊中最年輕成員珍雲。20歲的珍雲，唱得跳得唔使討論，最爆係年紀小小嘅佢，已操到有42吋巨胸同6腹肌，最近更被爆老豆係有米富商，正牌少爺仔。講講吓，條件同SJ嘅主將始源一樣超筍喎！

 


現年20歲的珍雲，08年參加Mnet音樂頻道《熱血男兒新人殘酷育成計劃》後，加入JYP Entertainment，繼而同昶旻、瑟雍同趙權一齊組成4人男子組合2AM。隊中年紀最細的珍雲，雖然只負責做伴唱同玩rap，但由於靚仔，上年獲公司力捧，唔只solo出韓文細碟《你走向我》，今年初仲擔正演出偶像劇《星夢高飛2》男主角，紅開有條路。

坐無影凳練腹
珍雲唔只靚仔，最煞食係超大隻身材，42吋巨胸，加埋6嚿腹肌，man到爆。珍雲猛男身形正到痺，尤其一排朱古力腹肌，除咗每日練舞超過10粒鐘及多做健身嘅成果外，原來佢閒時亦會做坐「無影凳」練習，除可令大腿及臂部肌肉結實，同時間因要挺直條腰，亦可令腹部用力，久而久之做成腹肌。

屋企有米
珍雲家陣已經係萬人迷，最近MBC電視台的《黄金漁場》節目就爆出珍雲原來係富二代，老豆係大企業CEO、阿媽經營裝修公司，而佢家中仲有個超大band房添！有錢又有樣，最緊要冇緋聞個底乾淨，絕對筍盤。

隊長抑鬱
珍雲以靚仔見稱，而2AM隊長趙權除唱得跳得外，最叻就係搞笑。唔好睇趙權平時整古做怪一定好開朗，最近佢喺綜藝節目《明星人生劇場》中，就自爆年少時期在經理人公司接受8年受訓期間，曾多次被人問及何時出道，因而對前途迷惘，令自己唔開心；而當時亦因感到挫折而患上抑鬱症。表面風光，背後原來一殼眼淚。 ####


剝衫晒胸
手瓜起，仲有42吋巨胸，加埋6嚿腹肌嘅珍雲，亦被韓國男士健身雜誌《Men's Health》邀請剝衫晒完美body。


08年已組成嘅2AM，跟2PM同屬師兄弟組合。上年曾來港兩次的2AM，最近推出新EP《F. Scott Fitzgerald's Way of Lover》，一出已打入銷量榜No.1。


珍雲首次擔正嘅韓劇《星夢高飛2》中，與女主角姜素拉為實現做歌星夢想而互相扶持。此劇已於今年1月出街，最高收視為10.5%，成績一般。


老闆出鏡劇中珍雲所屬嘅JYP老闆朴振英，亦有份參與飾演英文教師，除教學生英文、亦會插手指導珍雲嘅舞蹈同歌藝。


密拍廣告除有機會solo出碟，珍雲（右）曾拍住隊長趙權拍《BHC》炸雞廣告，一齊扮鬼扮馬。


最近珍雲被爆係有錢仔，而珍雲阿媽更曾請專人為乖仔於數千呎巨宅舉行大型生日會，仲獲唔少明星到場祝賀，可見珍雲屋企都幾有頭有面。


籃球健將珍雲熱愛運動，尤其籃球，睇佢上籃姿勢，好似林書豪一樣咁有型。


趙權個樣瘦蜢蜢，估唔到除咗衫原來全身鋼條肌肉。


趙權自爆曾患抑鬱症時，表現一臉愁容，有苦自己知。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄