close


我要唱紅館！設計對白官恩娜飛起經理人轉投bma，但Ella回應時否認同Keith反面，是否轉新公司亦不想回應。

最近同林峯為電視劇《雷霆掃毒》趕工的官恩娜（Ella），有傳因被經理人Keith拖欠200萬，而決定提前解約，更有指她私下唱衰合作8年的經理人。不過據知兩人的決裂導火線，是自從官恩娜在《巨聲》一曲翻生，令外界覺得她「原來識唱歌」後，她就一直催迫經理人入紙紅館開騷，拖足2年多，紅館夢冇得實現；加上最近bma老闆羅傑承以300萬筍價力邀她加盟。有得泊大碼頭，官恩娜順勢踢甩一手帶她入行的經理人。


入行8年，32歲官恩娜一直半紅不黑，雖然09年在《超級巨聲》唱〈Endless Love〉得到認同火速上位，但去年推出EP後仍難踏上一線地位。

眼紅薛凱琪
近日有指Ella所屬的Boombeat Music拖欠她200萬，雙方關係破裂，尚有幾個月約在身的Ella，最後跟經理人Keith和解，欠薪200萬當作「贖身」提早解約。表面上是經理人欠債引起，不過知情人士透露，其實所謂欠債，卻另有內情。「其實Ella入行咁耐一直恨紅館開個唱，奈何都知自己唔夠紅；不過自從《巨聲》唱紅咗之後，佢就成日嗌住要喺紅館開騷，尤其唔抵得同期出道嘅薛凱琪今年7月都開到，Ella咪迫Keith入紙申請囉。最後申請唔到，Ella好嬲！」知情人士又指bma老闆羅傑承有意斟Ella過檔，開價300萬令Ella心郁郁，但基於合約尚有幾個月才屆滿，Ella便出到欠債一招來混淆視聽，反轉豬肚飛起一手栽培嘅經理人。

望好來好去
記者聯絡Ella經理人Keith，他澄清解約一事與欠債無關，更稱去年已為Ella入紙紅館，但基於場次太少攞唔到期。如今解約是迫不得已，他表示未來幾個月會繼續協助Ella，直至她簽約其他公司為止。 Ella上週五（23日）為有關迫經理人入紙開騷一事回應：「呢個傳聞係假，唔合作嘅原因唔想多講。（係唔係加盟bma？）唔回應住，總之家自由身，合約喺好和平下完結。」

去年紅館入紙
經理人怨：開多過一場冇把握爆 上週五（23日）記者聯絡Ella經理人Keith，他否認欠官恩娜錢，更說合約期滿前出現這些傳聞並唔意外，暗示有人搞小動作。 F：《FACE》 K：Keith F：係咪提前同Ella解約？ K：坦白講份合約到咗最後一年，絕對明白點解有咁嘅事出現（是非），自己好唔開心！ F：係咪欠Ella 200萬？ K：絕對冇欠佢錢，我哋數口好清晰嘅，可能大家有誤會，可能係佢想提早離開呢間公司。不過我哋呢幾個月會繼續幫佢，直至佢簽其他公司為止。 F：聽講Ella想喺紅館開騷，但你唔肯同佢入紙申請？ K：絕對唔係，舊年已入咗紙啦，但因為場次唔夠多，而且我哋細公司一直攞唔到期；其實以Ella嘅名氣開一場係冇問題，但開多過一場就冇把握會爆，如果開一場又一定蝕，所以係有困難，搵贊助商亦有困難，自問已盡咗力！ F：有報道話Ella冇錢買樓係因為你欠佢錢？ K：傻啦，佢咁有錢點會買唔到樓呀？

輪唔到你
個個歌手都恨在紅館開個唱，但當然要夠紅又要紅館有期至得啦！今年紅館由4月起至出年年頭，演唱會已排到密密麻麻，當中不乏許冠傑、鄭秀文、謝霆鋒等天王天后級人馬，Ella想攝個期真係幾難！

4月
13~15
許冠傑斤両十足演唱會

5月

7~8月

12~1月
####


09年官恩娜拗柴入浸信會醫院，經理人Keith（紅圈）專誠駕車接送Ella，都算照顧周到。《壹週刊》圖片


羅傑承生意涉及南華足球隊及bma娛樂，有傳他出價300萬招攬官恩娜成為旗下藝人。


《巨聲》翻生 09年9月，官恩娜上《巨聲》和參賽者林志程（右）合唱〈Endless Love〉，歌藝獲大讚，人氣急彈。


薛凱琪爬頭 03年入行嘅薛凱琪（左）和官恩娜差唔多同期出道，但前者今年7月開處女個唱，Ella爭極冇位，火都嚟。《蘋果日報》圖片


拍劇捱官恩娜的歌唱事業可謂停滯不前，現時只為TVB拍攝《雷霆掃毒》，前週六在佐敦拍攝外景。


黐林峯 Ella在《雷霆掃毒》中的角色被安排暗戀林峯，能否靠收視入屋就要靠呢鋪。


Ella同外籍醫生男友感情要好，雖然Ella表示目前未考慮結婚或同居，但男友搵到錢又識照顧Ella，如今轉埋新公司，好彩冇換男友咋。《蘋果日報》圖片


經理人Keith 黃德基


9~10 五月天「諾亞方舟」世界巡迴演唱會


25~26 張惠妹 AMeiZING Live World Tour 世界巡迴演唱會


林峯演唱會


薛凱琪演唱會


吳雨霏演唱會


謝霆鋒世紀末演唱會


12月尾~1月 鄭秀文跨年演唱會

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄