close
 

擁有巨肺唱腔的 Ailee，自小於美國新澤西州長大，唔只講得一口流利韓文同英文，更識講日文，攻日隨時 ready。

韓國樂壇近年被大堆頭女團霸住地盤，不過踏入 2012年，女團勢力逐漸減弱，少女時代產量唔多， T-ara更因欺凌事件搞到差啲解散，卒之令單飛新人女歌手乘機抬頭。
今年單飛女新人中， 23歲 Ailee（李藝真）人氣勁，有樣有身材，最勁係把嗌到拆天嘅巨肺聲，唱 R&B似足 Mariah Carey，今月尾便憑出道名作〈 Heaven〉角逐 MAMA頒獎典禮「最佳女新人」獎，同玉女新人王 Juniel埋身對撼。

 

今年 23歲的 Ailee，於美國新澤西州出世，唔只講得一口鬼妹英文，自細鍾意唱歌的她，更學到滿口美式 R&B唱腔，鍾意同班美籍韓國人 jam歌嘅 Ailee， 6年前曾獲美國《 NY Kollaboration 20》歌唱比賽邀請做表演嘉賓，雖然把巨肺聲具爆炸性，但美國有大把唱得之人，所以 Ailee於美國發展一直冇乜發圍。

 

 

放大圖片
 

有料唔怕騷
Ailee唔只唱腔夠豪邁，外形同台風亦夠放，經常着住熱褲跳勁舞，間中還穿低胸衫上 Mnet Countdown等音樂節目演出，騷歌喉之外，仲騷埋迫爆身材。

 
放大圖片
 

 

 
 

角逐兩大獎

 

美國人唔識貨，好彩 Ailee之後被韓國中型經理人公司 YMC Entertainment睇中，邀請佢加盟旗下，今年頭推出處女細碟《 Heaven》即霸佔各大流行榜冠軍，而靚女又有身材的 Ailee，更撈埋電視，參演偶像劇《星夢高飛 2》。而今月尾於香港舉行的 MAMA頒獎典禮， Ailee更有份角逐「最佳女新人」及「全年最佳歌手」兩個大獎，實力肯定有番咁上下。

 

 

放大圖片
 

撈埋配角
除唱歌外，今年頭 Ailee更有份參演偶像劇《星夢高飛 2》，劇中佢飾演人氣組合 hershe成員，仲經常拍住 JYP力捧嘅新男團 JJ Project成員 Junior一齊跳舞，配角來講，出鏡率算高。

 
放大圖片
 

今年 2月推出細碟《 Heaven》試探市場，上月中更上一層樓正式推出 EP《 Invitation》，趕住整靚成績表，年尾於各大頒獎禮等攞獎。

 
 

食 3碗飯

 

Ailee唔只唱得，據聞仲好食得，只得 5呎 5吋的她，唔好睇佢細細粒，原來勁鍾意食飯，試過最勁一次在一餐內連食 3碗飯。由於食得，所以 Ailee身形比較豐滿，最近佢自爆：「我嘅好歌喉係靠食嘢練出嚟，如果我刻意減肥，把聲會變得好差。」食得又唱得，最重要係仲可以 keep住對長腿，真係羨慕死班韓妹。

 

 

放大圖片
 

於月尾在香港舉行的 MAMA頒獎典禮， Ailee將角逐「最佳女新人」獎，同最大勁敵 Juniel火併。

 
放大圖片
 

攻美唔掂
未回流韓國前， Ailee曾於美國孖住美籍韓國歌手 Johnnyphlo一齊去費城等城市出蚊型騷演唱，但因唱極都唱唔起，之後才返回韓國發展。

 
 

2新女夾攻

今年單飛女新人特別多，除超唱得的 Ailee外，仲有彈得一手好琴的 Baek Ah Yeon，而揸住結他自彈自唱的 Juniel，月尾更同 Ailee一齊爭 MAMA頒獎禮的「最佳女新人獎」。

arrow
arrow
    全站熱搜

    tvb4life 發表在 痞客邦 留言(0) 人氣()

    E-mail轉寄