close
甜蜜合照
Edison自從同台妹 Ann拍拖之後就甚少返香港，就算要去世界各地開會都會帶埋 Ann一齊去，去到邊攬到邊，以前嘅佢點會咁公開？
將近年尾，特別多人結婚，好似錢嘉樂同湯盈盈咁，上週二就順順利利 喺海洋公園結為夫婦， 嚟緊仲有鄭伊健同蒙嘉慧。
FBI收到風，原來玩女無數嘅陳冠希（ Edison）已經向拍拖未夠半年，之前喺台北 JUICE做 sales妹嘅 Ann Hong成功求婚， Edison仲鬼咁風騷四圍同朋友分享喜訊添，似乎 嚟真喎。
聽 Edison老死爆料，話 Edison上月尾現身友人搞 嘅 party，當日已經見佢滿場飛好 high，之後兩杯落肚就拉住個 friend話：「我短期內會結婚 㗎喇！」友人都以為聽錯，再三追問 Edison，佢承認已向女友 Ann求婚，當佢搞掂手頭上工作就會開始搞婚禮，雖然地點未定，日期就有機會係出年，唯一肯定係一定唔會喺香港搞囉！
其實 Edison都 32歲仔，又有幾間潮鋪，點都叫做有些少事業。以前就話女友 Vincy楊永晴含住金鎖匙出世，所以要有二千萬美金至敢娶佢 啫，不過家陣呢位 22歲台妹女友 Ann，出身平民，唔愛名牌唔愛花錢，線人仲話佢對 Edison好嗲，同 Vincy完全兩個款！睇嚟港女要向出名溫柔嘅台妹學習吓喇！
叫女友八婆
二人近日去咗泰國度假， Edison亦不時親自為女友操刀，順便喺 Instagram報告二人行蹤，更叫女友做「 bitch」（八婆），好鬼寃氣。
全站熱搜
留言列表
