close


女在大房，金在銀行！﹙設計對白﹚員工房間除咗有大量貨辦外，仲有一張大牀俾佢哋休息用，高牀軟枕㗎。
上期《忽周》獨家專訪八両金深圳屋，佢自彈自唱引嚟唔少迴響，媽咪姐都嚇一跳！原來佢咁有才華㗎，果然人不可以貌相。


就好似佢個外表平凡嘅衣櫃，收埋咗值幾十萬嘅金飾一樣。不過唔少靚太讀者同媽咪姐講，擔心八両金將「呢批金」擺喺大陸好危險。其實呢，你同佢定啦！八両金話：「我梗知《忽周》多人睇，啲金係特登喺銀行攞出嚟影相，依家全部擺番入去啦！」佢仲自爆三位女朋友都係佢嘅公司員工，幫手打理成衣生意。八両金能夠將全部員工私有化，「吉」屋藏嬌，的確有計！ ####


兩個出咗鏡嘅員工兼女朋友對八両金照顧周到，點餐做訪問都跟到足。


八両金喺國內嘅成衣生意唔錯，不過依然食得慳家，午餐通常以公仔麵充飢，真係大碗夾抵食。


採訪當日，八両金嘅金錶金鏈隨處放，佢話返到屋企唔應該有束縛喎。不過啲「堅嘢」呢，佢就好緊張，「唔可以放屋企，點都要放銀行， 呢啲錢唔慳得！」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄