矛盾回應本周一（4日），趙碩之最初向本刊記者表示唔知男友Danny的家庭狀況，之後又承認知道對方有老婆仔女，仲話男友已經搞緊分居，似乎唔介意被指做小三。
過氣模趙碩之（Wylie）早前與拍拖4年任職侍應的男友分手，之後火速搭上從事珠寶鐘錶生意、三十多歲的富商Danny。二人更被影到在夜店激吻，旁若無人。事後趙碩之承認與Danny拍拖幾個月。報道出街後，即有人爆料指趙碩之原來係小三。本刊發現Danny唔止已婚，仲有小朋友。破壞人哋家庭幸福嘅趙碩之，本周一（4日）還理直氣壯對本刊記者說：「我知佢有太太！搞緊分居啦！」
遇多情富商
戀情被爆後，趙碩之不止一次向外承認與Danny撻着幾個月，「我冇諗過發展會咁神速，同佢識咗好多年，突然走得好近係因為大家都鍾意潛水，所以好好傾。」忽然高調晒男友，趙碩之原來別有用心。據知新歡Danny姓郭，從事珠寶鐘錶生意，家族亦經營押店，但他並非圈中鑽石王老五，因為他已婚，並育有仔女。據郭太身邊人透露，Danny已非第一次有外遇：「Danny成日話要夜晚出去傾嘢，Zenbia（郭太）要湊仔仲邊有時間理佢。點知佢玩到唔識返屋企，仲以為老婆乜都唔知，今次仲搞到上晒報紙，真係唔知係狗仔隊叻吖，定係趙碩之叻！Zenbia為咗小朋友冇諗過離婚，不過佢真係好唔開心。」據知上月Danny和趙碩之的舌戰報道刊登後，郭太一直冷待老公。Danny一方面向老婆獻殷勤，每日放工即返屋企報到，但事實上他與趙碩之並未斬纜。
明知對方已婚
本周一（4日），趙碩之為新戲《一路向西》宣傳，記者指她做了第三者時，她竟冷笑三聲，似乎完全唔覺自己有問題。 記者：記 趙碩之：趙記：係咪同Danny發展緊？趙：我都唔肯定呀！自然發展囉！記：佢家庭狀況你清唔清楚？趙：人哋嘅屋企狀況我唔方便詢問，我為咗自己，對呢啲嘢都睇得好淡，我又唔急住拍拖。記：佢嘅家庭狀況你真係唔知？趙：唔係好清楚。記：（攞出男方全家福）有老婆仔女喎！趙：（突然黑面）……我知佢有個仔，有太太，咁佢話分居期，搞緊分居嘛。記：你又話唔清楚佢家庭狀況嘅？趙：興趣方面會清楚啲。作為朋友唔會刻意問，佢有提過個仔好乖，咁我咪知囉。記：你做咗第三者喎！趙：哈哈哈！一定唔會喇！只不過係識個朋友，如果未清理好關係，都唔會去行出某一步囉，所以真係唔急㗎！趙碩之最初認與Danny發展中，但記者踢爆對方有老婆仔女，佢突然轉口話係朋友。記者於周三（6日）終於接觸到男主角Danny，當時他正在自己開設位於尖沙嘴的鐘錶店看舖。記者上前問到與趙的關係，他黑面說：「我唔方便講，你問番趙小姐。」更以有客為由叫記者留下卡片。半小時後Danny主動回覆：「我唔係公眾人物，唔會回應。（係咪同太太分居？）我乜都唔會答。」
男主角黑面回應
Danny在尖沙嘴開了一間鐘錶店，專賣名牌手錶，雖然身為老闆，但記者採訪當日見他仍要親自招呼顧客。對於有婚外情，他一直避談。 ####
博上位出道以來言行都甚出位的趙碩之，去年推出的寫真集，透點同男模埋身肉搏。34D激凸身材，係男人都鍾意。
美滿家庭據知富商Danny已婚多年，且育有子女，從去年一張合照來看，都幾幸福。趙碩之話Danny搞緊分居，但Danny沒就此事回應。
郭太以其英文名做facebook開版相，而家庭照亦在其相簿內找到。
強裝鎮定記者拿出Danny的家庭照給趙碩之過目，她當場睩大對眼呆一呆，然後強顏歡笑，故作鎮定後繼續回應。
留言列表
