close
山頂冇偈傾山頂外景呢日，謙謙同黃智雯未埋位就各自各化妝，唔多騷對方。
新聞人物羅仲謙，早排又捲入男藝人裸照風波，起初佢扮唔識「大攝影家」劉定成，後尾被踢爆。上星期劉公子被判還押荔枝角羈留所，大隻謙都算鬆一口氣。最近佢就日拍夜拍，為新劇《巴不得媽媽》埋尾，有晚就同老拍檔黃智雯（Mandy）喺山頂拍外景，劇情講男方從後攬實女方，欣賞夜景。不過可能怕再傳緋聞，激親現任緋聞女友楊怡啩，佢哋每拍完一個鏡頭即彈開，男有男發呆， 女有女補妝，刻意保持距離，直至收工都無乜互動喎！
另一日，謙仔同黃智雯喺銅鑼灣繼續談情，今次就拍佢哋正面擁抱，互請對方食波餅。不過今次可能喺鬧市關係，呢對前緋聞情侶喺粉絲包圍之下明顯happy晒，又撩細路仔玩，好一pair雙面人呀。
導演叫cut，兩人又回復本性，似乎佢兩個真係唔多想再傳緋聞喎！
全站熱搜
留言列表
