2/12傷心試婚紗迫婚失敗 嘅 Niki，忍痛穿婚紗拍《女警愛作戰》，見佢個笑容咁勉強，真係有苦自己知。
跟鄭嘉穎分手後， 32歲周麗淇（ Niki） 09年暗交紗廠太子爺 Eric，原本下年升呢入門做卓太，但因卓家老爺同奶奶唔多喜歡娛圈女星，令心急入門的 Niki推走唔少 job，洗底博卓家歡心。據知 Niki早前去巴黎睇時裝騷時，更周圍睇婚紗，返到香港又一廂情願向朋友宣布喜訊，結果埋門一腳迫婚失敗，出名港女格難服侍的 Niki嚇走紗廠闊少。
冇 咗支大水喉， Niki上年又跟 bma滿約，惟有急急「復出」四圍撈，更找梅艷芳生前經理人 Marianne（王敏慧）做經理人，週一 Marianne對本刊說：「佢家單身！」
對終身大事一向上進的 Niki，加上家姐周汶錡穿針引線之下，認識姓卓的紗廠太子爺 Eric，雖然卓家非常壜水，大宅位於西貢碧濤花園價值 3千萬獨立屋，但卓家一向低調，所以兩老一直反對 Niki入門。據知情者透露︰「 Eric父母覺得娛樂圈複雜，佢哋拍拖咁耐， Niki都冇去過男友西貢屋企，反而 Eric就經常去 Niki租住 嘅曼克頓山，但最近佢哋分咗手， Niki亦都搬 咗去貝沙灣。」
冇咩心情嘅 Niki，穿上婚紗都毫無光彩，工作人員幫佢整理裙腳，佢都木無表情。 
今年 9月， Niki到巴黎撐 Tsumori Chisato開騷，撞啱莫文蔚、梁詠琪先後在歐洲嫁老外， Niki當時私下對人透露唔排除「有樣學樣」，仲趁空閒時候去睇婚紗，可惜如今美夢泡湯。 
\'09撻着當年為保護戀情，每次出外拍拖， Niki同 Eric都鬼鬼祟祟。被《 FACE》拍到唯一的「同車」照，可惜此情不再。 
搬出同居竇當年情到濃時， Eric經常到 Niki租住的曼克頓山屋企過夜，不過 10月初已搬出。
臨嫁炒大鑊
今年中，已傳出 Niki同 Eric有計劃結婚， 32歲 Niki仲同幾位密友報喜訊，不過，原來只係 Niki一廂情願。知情者續說︰「講 咗幾個月 㗎喇， Niki之前好多 job搵佢做，佢都只係接廣告，電影就更加唔拍。後來佢哋鬧 咗場大交。 Niki九月仲去巴黎睇騷，順便睇吓婚紗，點知返到香港就話分 咗手。」
16/11闊少 Eric寡仔生活單身之後，雖然 Eric發福咗，但就修心養性，努力工作。記者連日都發現 Eric拎住大包細包坐公司旗下平治出出入入。 
前度冇女上月 16日， Eric收工後只係約吓朋友打邊爐烚吓烚吓，唔見身邊有新女出現。 
跟 Niki分手後， Eric每晚都返回由父母持有的西貢碧濤花園大宅做「宅男」。
超級筍盤
Eric父親卓仕章為金徽毛紗貿易有限公司老闆， 1986年創業，於東莞有幢三層毛紗廠，香港辦公室於葵涌。而卓父及卓母亦持有現市值 3千萬的西貢碧濤花園大宅及兩項分別位於長沙灣及葵涌的地鋪以及工廈物業，合共約市值四千萬。絕對稱得上是筍盤。
去年卓家兩老對 Niki評價，卓父諗一諗先話︰「邊個嚟㗎？唔識喎！」隨後卓母就講多句︰「出心做朋友一定唔抗拒。」個仔女朋友都話唔識，入門預咗難過登天。 
住近家姐
於 Niki持有的公司 K.O. International Ltd.的商業登記一欄內住址，已由「曼克頓山」改為「貝沙灣」，住近同樣住貝沙灣的家姐周汶錡。
現實大出入
本週二（ 6日）首播的新劇《我的如意狼君》，講述黃浩然自小被趕出家門，長大後為報仇以假身份回家，重遇兒時好友 Niki，更不惜利用多年友誼騙取純女 Niki的金錢和感情。 Niki戲中楚楚可憐又唔貪入豪門，愛情飲水飽角色與 Niki現實好大分別喎！
寡佬打邊爐
據知， Niki跟 Eric拍拖近 3年來都得不到卓家老爺和奶奶歡心，雖然 Eric口口聲聲話會娶 Niki，但卓家兩老卻極力阻止。知情者說︰「 Eric開始承接家族生意，又點會咁快想俾人箍住？」
本刊最近亦發現 Eric似乎修心養性，冇日日匿埋屋企打 XBox，反而日日為工事頻撲，唯一娛樂都只係跟三五知己打邊爐，飯局後乖乖返回西貢碧濤花園卓家大宅。
Law霸封口本週一， Niki前度鄭嘉穎出席《萬千星輝頒獎典禮》時話冇聽過 Niki甩拖，「我唔清楚嘅嘢我唔會評論。」 
5/12闊少 O嘴週一（ 5日） Eric如常到荔枝角道辦公室，一落樓見到記者即「 O」嘴。問佢同 Niki分手一事，佢就定一定先話︰「唔好意思，趕時間。」邊玩手上兩部手機邊飛車走。
死要做主角
叠埋心水諗住嫁嘅 Niki，希望收山之前拍部代表作，原本《東西宮略》 8月開拍前屬意由她做夏迎春一角，但 Niki竟要求做主角鍾無艷，明搶陳法拉飯碗。雖然監製極力游說，但 Niki都企硬唔做阿二，監製惟有搵陳敏之執二攤。對於 Niki曾有機會參演，監製 黄偉聲對本刊承認︰「有聽聞，不過當時我放緊假，放假返嚟已經解決咗！」
正式嫁人無望， Niki惟有「復出」撈，乜都肯做。最近她就接了新劇《女警愛作戰》，更搵老死 Marianne王敏慧（梅艷芳生前經理人）做經理人，主要接國內工作。據知， Niki更簽了唱片公司全面復出。上週本刊於《女》劇活動上問 Niki是否簽了新唱片公司， Niki笑笑口︰「未講得邊間，總之就唔係 5大（唱片公司）。」記者再問 Niki，最近多位女星排隊嫁人，幾時輪到佢？點得 Niki反應極大：「唔好成日問我呢 啲 嘢啦！」
而 Marianne週一對本刊強調 Niki嚟緊工作不斷，但對於同 Eric分手，她就話：「我唔知佢有男朋友喎，佢家係單身！」 32歲 Niki復牌上市，唔算遲嘅！
撈食自己
新經理人Marianne
《女警愛作戰》新劇開鏡拜神，梅艷芳生前的經理人 Marianne（左一）忽然現身，原來做咗 Niki經理人。她透露 Niki嚟緊主力國內發展，除咗佢仲有一位大陸經理人。
Niki睇中鍾無艷角色，不過由於佢死要做鍾無艷唔肯做夏迎春，益咗陳敏之。 
上年工作停晒手，甩拖 Niki年尾突然發力，孖住謝天華忙拍《女》劇。之後又返國內拍劇，下年更會推出唱片。
專黐叻女
Niki一向識揀朋友， 10年前「大劉」劉鑾雄女友甘比仲係娛記嗰陣， Niki已經同佢好 friend，家吓甘比飛上枝頭， Niki更經常約對方出街；加上親家姐周汶錡負責幫佢鋪路入豪門，仲有一班好姊妹，有傳阿 Sa曾經替 Niki引薦入英皇添！
約甘比 
黐阿 Sa《忽然 1周》圖片
留言列表
