close
同你吟一吟
陳豪自願守行為
豪嫂陳茵媺講過，每次埋位拍劇，都避免諗起陳豪呢兩字，否則就會變番陳茵媺，投入唔到角色。女友逼自己短暫失憶，之不過陳豪就唱反調，命定陳茵媺係結婚對象，凡事都尊重，女友優先。
上星期五（二月一日），陳豪拍住 Jessica C.喺又一城做春節活動，對住拋半球嘅警鐘胸，名草有主嘅陳豪自行預警，寫揮春望揮春，打鼓就望住個鼓，目不斜視。之後企定合照，陳豪不單兩手收後，仲企到開一開，避免同 JC有任何身體接觸。 Wow！筍盤自簽守行為，五光十色娛樂圈即使再多誘惑，對陳豪嚟講都係行過路人，撬唔郁！
同 JC保持距離都未夠，陳豪仲要收埋雙手，拒人千里！
對住呼之欲出嘅警鐘胸 JC，陳豪雙眼唔係望上就望下，就係唔停喺心口位。
全站熱搜
留言列表
