林峯賜名分 千語BB坐正
無綫33歲Chok王林峯被指與19歲影壇新星吳千語撻着，並以新歌《BB》憑歌寄意，兩人戀情愈見公開，但女方即被起底指家境麻麻，在連番報道「壓迫」下，昨晚林峯挺身而出維護女方，承認戀情，正式給千語BB冠以女友名分，他多番強調「要做番男人要做嘅嘢」，甚少高調承認戀情的Chok王，突變深情冧女王！
林峯昨晚錄影《勁歌金曲》前，一臉嚴肅向傳媒宣布戀情，與早前在電台的含春樣頓成對比。
「不羈的峯」林峯予人情場浪子感覺，年前與內地乳牛潘霜霜拍拖，亦因床照曝光才被迫認頭，但最近他與影壇新星吳千語傳蜜運後頓變羔羊，兩人因合作電影《男人如衣服》時暗中撻着，林峯以新歌《BB》憑歌寄意勁肉麻，關係一日千里！但緋聞傳出後惹來不少負面報道，千語BB被揭家境一般，父親以斬叉燒維生，兩人被指同居，又有指林峯揼9萬元月租寓所養女友一家。
未知是否飽受困擾，昨日林峯到將軍澳電視城錄影《勁歌金曲》，開騷前突然主動表示有事宣布，神情嚴肅的他自爆拍拖，並收起含春笑容多次強調「要做番男人要做嘅嘢」！
吳千語「守得雲開」，成為林峯主動承認戀情的第一個女星。
放大圖片
林=林峯 記=記者
林（一臉嚴肅）：一向工作以外的新聞我都唔解釋，前排有部分報道影響到我愛錫嘅人同埋佢屋企人，作為男人要以正視聽！
記：你講BB？
林（語氣肯定）：係！
記：吳千語？
林（斬釘截鐵）：係！每逢牽涉到我屋企人，我都好反感，呢啲人對我好重要！有報道話我哋一齊租屋（指同居），我係幾唔開心、幾嬲，我係冇見過uncle、auntie，竟然講到租埋屋，呢樣嘢影響到人哋嘅印象，佢哋亦冇必要畀人評論。（緊張瞪大眼）我希望保護女方，今日係要搞清楚情況，好多嘢扭曲咗，人哋家境係唔錯，唔想一個好女仔、一個我關心嘅人畀人誤解，唔希望繼續糾纏喺唔真實嘅事上面，之前冇去講清楚，係因為工作以外嘅嘢唔想分享。
「拍咗拖一段日子」
記：你係同吳千語拍拖？
林（面露笑容）：係！作為男人要做番男人要做嘅嘢！
記：拍咗幾耐？
林：一段日子，我想講嘅嘢係咁多，唔係要同大家分享，係想以正視聽。
記：女方唔開心？
林：唔係，係唔希望大家戴有色眼鏡去睇，我自己幾嬲，唔希望有人再作嘢。
「唔小心」見過家長
記：之前你冇試過咁高調？
林：冇話高唔高調，只係做番必須要做嘅嘢。（見過家長？）我冇帶過佢返廈門，但有撞過嘅。
記：點解揀吳千語？
林：佢係好女仔嚟嘅。
記：因為拍戲撻着？
林：好多嘢嘅，呢樣係我私人事，多謝大家關心。
記：鬆口氣？
林：都會o架！
記：好多fans反對戀情喎！
林：冇聽過，最緊要大家認真對待，相信會祝福我哋。
記：同公司傾過？
林：冇喎！公司唔理我私人事。
記：樂易玲知唔知？
林：我係個體，工作以外我有自己生活。
記：但佢（樂易玲）幫過你否認喎！
林：佢冇否認，但呢樣冇必要去研究喇！
記：女友哭訴？
林（語氣緊張）：冇！大家唔好誤會，冇任何人知我今晚咁講，我有自己主權，身邊嘅人都會支持我，希望追訪適可而止。
最後林峯補充拍拖是開心事，希望得到祝福，但再否認同居，跟千語BB亦沒有金錢瓜葛。公開戀情後的林峯如釋重負，在台上錄影時心情大好不時笑晒，跳唱快歌《Nice》亦加倍落力，最後更抽中價值二千多元的金蛇，果然人逢喜事精神爽！
榮升「峯嫂」的千語BB身處內地拍劇，其經理人向她轉告「喜訊」後，她回應時亦盡見小鳥依人：「一切返嚟先講，但以男方講嘅嘢作準。」
文：影視組
女友感言觸動護花神經
林峯公開承認與吳千語拍拖，千語BB身份三級跳，榮登「正印」。一直提感情事即「耍太極」的林峯，今次破天荒公開講戀情，原來全因受到吳千語上周在微博的澄清而觸動其護花神經。
上周六，吳千語連發兩條微博，為連日來指她父親以「斬叉燒」維生及獲「女婿」林峯照顧而變得富貴的報道極力澄清，她寫道：「面對連日來傷害我人格的報導（道），我已盡力以笑平衡失落，不影響工作！昨日（2月1日）看到報導（道）把我家人也牽進來，我爸媽非但未有埋怨我，反而更擔心我的狀況，我心實在非常難過！」明顯已壓力爆煲！她更來為父母護航：「我可以無奈接受被誤會，但爸媽只是普通人，請不要傷害他們。」澄清父母除認識其經理人黃百鳴外，家人並不認識任何藝人，更表示現居單位是自己與家人一起租住。千語感言一出，即時觸動男友神經，主動站出來公開關係，保護女友。
舊愛李彩華驚爆當年秘情
被視為林峯初戀情人的李彩華，昨日被問到林峯公開戀情一事，她語帶輕鬆說：「都唔會愕然，阿峯不嬲都係有承擔嘅人，當年大家拍拖兩個都想認，不過當時大家入行冇耐，公司唔贊成，依家時代唔同，拍拖、結婚都會出嚟講，我都戥佢開心，祝福佢哋。」
另外，曾秘密跟林峯拍拖的潘霜霜，當年為證身份不惜自拍床照，昨日她得悉舊愛公開認拍拖後說：「那不很正常嗎？其實跟我也沒有關係！（當年他跟你拍拖可沒公開承認？）階段不同吧！他已這麼大的一個人，應該要有承擔，要不哪有女人願意跟他？我覺得最起碼要給女生一個身份。」霜霜更寸爆地說：「沒有擔當的不是個男人！」此外，林峯另一位緋聞女友劉羽琦現時身處內地，對於林峯的事只稱一概不會回應。
峯語戀情定杭州
林峯與吳千語去年4月因在杭州合作電影《男人如衣服》而拍出愛火花，有指他們在電影煞科K局徹夜談情，同年7月被拍得在中環撐枱腳，更綿綿情話一小時，兩人搭的士離開時發現記者，林峯突然跳車喪跑閃人，留下吳千語一人在車廂，但都未有承認戀情。
直至今年關係才明朗化，林峯奪得勁歌「最受歡迎男歌星」時在台上公開多謝「BB」，隨即令人揣測吳千語就是他口中的「BB」外，連日來談及吳千語時林峯亦春風滿面，笑不攏嘴。早前吳千語毫不避嫌現身林峯的演唱會撐場，而林峯亦含情脈脈地望着女友坐的方向唱情歌，戀人關係昭然若揭！
林父
樂易玲無限量撐愛將
無綫高層樂易玲處處維護林峯，之前更公開表示林峯一定不會「閃婚」，不過今次林峯主動公開戀情護女友，宣示「主權」，更坦言事前未有告知樂小姐！樂易玲昨晚接受電話訪問時表示林峯事前的確未有告知她，但他也很在乎樂小姐的反應，已事後即時致電給她。樂小姐謂：「佢大個仔，對自己嘅決定擔當得起，咁多年嚟遇到挫折我都支持佢，何況依家係開心事，我會支持佢！佢覺得想同需要去做嘅話，我都會畀支持佢，作為佢長輩、經理人，會畀佢無限量支持，（怕唔怕影響工作？）公司好多人都結婚、生仔，男女拍拖好正常，而且佢係一個好勤力嘅人。」
無綫高層樂易玲（資料圖片）
同居到閃婚 傳聞不絕
自藝人林峯與吳千語傳出緋聞，有關二人的是非新聞不絕，今年更先後傳出半山同居、吳千語父親搬入豪宅、二人閃婚，愈傳愈烈，不過雙方統統否認傳聞！
今年傳出林峯將女友私有化，豪擲八萬蚊港幣月租半山豪宅同住，更與吳千語同居超過半年。
千語父被屈
有傳吳千語父親在燒味舖工作，獲林峯愛屋及烏，由沙田搬到月租九萬元港幣的堅尼地城豪宅，地點更只與吳千語的半山豪宅相隔一條街。
見家長閃婚
有指林峯已經帶吳千語回家鄉廈門見家長，四處玩樂之餘，更加秘密玩閃婚，不過事後林峯直指傳聞離譜。
網民叫吳千語滾
正當林峯大方承認與吳千語拍拖，好多粉絲和網友在吳千語的微博內洗板，不足兩小時已有四百多個留言，粉絲反應各異，有人送上祝福，但亦有大批網民反對二人拍拖，直言毀滅了林峯男神形象：「無論怎樣我們都不會接受！」網友Agnes表示：「熱戀中情侶係叫BB，但是你唔好唔記得阿峯都係叫我哋Honey！」網友maymaymimi更說：「不敢接受的事實啊！」更有網友又偏激表示：「怎麼會這樣！吳千語你給我滾！
林峯首認戀千語BB
33歲的「Chok王」林峯首度承認與19歲影壇新貴吳千語拍拖！早前憑冧歌《BB》暗認戀情的林峯，因不忿女友家人遭起底及中傷而豁出去，昨晚高調承認千語BB的正印身份，挺身捍衞女友，更豪情壯語地說：「作為男人要以正視聽，做男人要做嘅嘢。」
林峯與吳千語去年因合作電影《男人如衣服》而撻着，火速被傳過着半同居生活！上月初，林峯首奪「最受歡迎男歌星」後公開多謝「BB」，又在演唱會上對着台下的千語BB大唱冧歌《BB》，自此每提起「BB」都含春甜笑，冧到出面！不過，戀情地上化同時招來是非，女方屋企慘遭起底，吳父被指靠斬叉燒過活，9萬蚊屋租亦全賴林峯接濟。眼見女友受傷害，林峯終決定豁出去，昨晚錄影《勁歌金曲》時突然主動向記者表示有嘢要講，然後面色一沉，Chok出「認真Mode」承認與吳千語蜜運！發表「愛的宣言」後，如釋重負的他笑笑口載歌載舞，更鴻運當頭抽中金蛇擺設！而身在內地拍劇的千語BB則透過助手回應，隔空附和愛郎：「一切以男方講嘅嘢為準！」
「對我好重要」
林：林峯 記：記者
林：（嚴肅）一向工作以外嘅新聞我都唔解釋，前排有部分報道影響到我愛錫嘅人同埋佢屋企人，作為男人要以正視聽！
記：你講BB？
林：（言辭肯定）係！（吳千語？）係！每逢牽涉到我屋企人，我都好反感，呢啲人對我好重要！有報道話我哋一齊租屋（指同居），我係幾唔開心、幾嬲，我冇見過Uncle、Auntie，竟然講到租埋屋，呢樣嘢影響到人哋嘅印象，佢哋亦冇必要被人評論。（緊張瞪大眼）我希望保護女方，今日係要搞清楚情況，好多嘢扭曲咗，人哋家境係唔錯，唔想一個好女仔、一個我關心嘅人畀人誤解，唔希望繼續糾纏喺唔真實嘅事上面。
記：你係同吳千語拍拖？
林：（笑）係！作為男人要做番男人要做嘅嘢！（拍咗幾耐？）一段日子，我想講嘅嘢係咁多，唔係要同大家分享，係想以正視聽。
記：女方唔開心？
林：唔係，我唔希望大家戴有色眼鏡去睇，我自己幾嬲，唔希望有人再作嘢。
記：你冇試過咁高調？
林：冇話高唔高調，只係做番必須做嘅嘢。（見過家長？）我冇帶過佢返廈門，但有撞過嘅。
先斬後奏冇人知
記：點解揀吳千語？
林：佢係好女仔嚟嘅。
記：因為拍戲撻着？
林：好多嘢嘅，呢樣係我私人事，多謝大家關心。（鬆口氣？）都會o架！
記：好多Fans反對？
林：冇聽過，最緊要大家認真對待，相信會祝福我哋。（同公司傾過？）冇喎！公司唔理我嘅私人事。
記：樂易玲知唔知？
林：我係個體，工作以外我有自己生活。（佢幫過你否認。）佢冇否認，但呢樣冇必要去研究喇！
記：女友哭訴？
林：（緊張）冇！大家唔好誤會，冇任何人知我今晚咁講，我有自己主權，身邊嘅人都會支持我，希望追訪適可而止。
影視組
林峯昨晚嚴肅地認戀吳千語，其後成身鬆晒，笑笑口載歌載舞。
吳千語傳與林峯撻着後被峯迷狂鬧，又連累全家被起底，壓力認真唔小！（資料圖片）
林峯因拍攝電影《男人如衣服》而邂逅千語BB，感情一日千里。
微博護父感動男友
吳千語上周六連發兩條微博，為指她父親以「斬叉燒」維生及得「女婿」林峯照顧而變得富貴的報道作出澄清，即時觸動林峯的護花神經，破天荒承認戀情。
拍戲撻着獻冧歌
林峯與吳千語去年被指因拍攝電影《男人如衣服》而撻着，上月林峯憑歌寄意，在演唱會大唱情歌《BB》冧台下的吳千語，每次談及對方又一副含春怕醜樣，直至昨日終公開承認戀情。
吳千語
年齡：19歲
入行經過：求學兼任模特兒，被導演黃百鳴賞識，拍攝處女賀歲片《開心魔法》
代表作品：電影《開心魔法》、《男人如衣服》、《八星抱喜》等
林峯
年齡：33歲
入行經過：1999年參加無第13期藝員訓練班，畢業後被派往TVB8做主持
代表作品：劇集《尋秦記》、《溏心風暴之家好月圓》、《雷霆掃毒》等
獎項：亞太區最受歡迎香港區男歌星、最受歡迎男歌星、最佳男主角等
林峯
吳千語
峯迷洗版鬧爆
自林峯傳出與吳千語拍拖後，其Fans早已在吳千語的微博留言鬧爆，如今林峯公開承認戀情，不少Fans徹底心碎，紛紛在吳千語的微博「洗版」，不足兩小時已有逾400個留言，有人直指心中的男神形象毀滅了：「無論怎樣我們都不會接受！」其中網友Agnes酸爆留言：「熱戀中情侶係叫BB，但你唔好唔記得阿峯都係叫我哋Honey！」有網友更說：「怎麼會這樣！吳千語你給我滾！」不過亦有Fans送上祝福，大讚他們登對。
不少峯迷未能接受偶像拍拖。
「做男人該做嘅事」
林峯認戀吳千語 198,129 
【今日我至Man】吳千語同林峯傳緋聞之後，被指獲男方租屋照顧，林峯即挺身護BB，真係好man啊！資料圖片
【峯語戀之表白愛意】一直備受無綫力捧的林峯，在年頭奪得最受歡迎男歌星獎，踏上事業高峯後，對事業及愛情的態度作了大轉變，繼曾宣佈隨時會退出娛樂圈後，昨晚擔任《勁歌金曲》嘉賓時親口承認與吳千語的戀情，「峯語戀」正式曝光，他強調做男人應該做的事。
現年33歲的林峯一直被傳與19歲新晉女星吳千語因拍電影《男人如衣服》而撻着，早前林峯開演唱會，吳千語公然現身撐場，林峯還公開對住緋聞女友大唱情歌《BB》，冧爆之情路人皆見，還經常現出一副含春樣，之前有消息指林峯租屋金屋藏嬌，但他始終未有承認吳千語女友身份。
■林峯昨晚宣佈完戀情後鴻運當頭，玩遊戲時贏得二千多元的金蛇。 公佈拍拖鬆口氣
昨晚林峯在將軍澳電視城任《勁歌金曲》嘉賓，主動向記者表示有事要嚴肅宣佈，原來是公開給吳千語女友名份，林峯說：「我工作以外少講感情，前排有報道影響到我愛錫嘅人，包括家人，作為男人要以正視聽。」林峯澄清他並沒有租屋給人住，不想扭曲了大眾印象，他亦為此事感到不開心及嬲怒。林峯一輪嘴說：「人哋冇必要要俾人評論，我要做番我要做嘅嘢，保護女方，人哋家境唔錯，係好女仔，我關心嘅人。」
■19歲的吳千語拍《男人如衣服》，成功俘虜33歲的林峯。
林峯一輪嚴肅表白，雖未有提及女方姓甚名誰，但原來是愛的宣言，及後他被記者問是否跟BB吳千語拍拖，他直認不諱：「係！作為男人，做應該做嘅嘢，我哋拍咗一段日子，唔希望大家戴有色眼鏡睇佢，我唔係高調，係做男人做嘅事。」而他強調沒租屋給女友，亦沒有同居。
林峯透露未有見過女方家長，但女友卻曾遇過他的家人，至於女友有何吸引，令他繼潘霜霜後給與女友名份，林峯說：「佢係好女仔，𠵱家公佈咗都會鬆口氣。」是否女友哭訴要澄清？林峯說：「冇，我有自主權。」樂易玲是否獲通知？他只謂樂小姐並沒有否認過，他希望獲得歌迷及大眾的祝福。
不過林峯宣佈戀情後，卻得不到歌迷祝福，吳千語微博即時被林粉攻擊，辱罵她是X子，襯不起林峯。
採訪：王崇穎
攝影：陳俊強
留言列表
