去完首爾兩日，阿 Sa返到香港先去為新碟錄音，收工後即撲去慰藉男友，陪食消夜。
探熱針
寒戰結束 阿 Sa口水慰 William
打爛醋埕
拍拖三年，蔡卓妍與陳偉霆表現恩愛，阿 Sa多次自爆恨結婚生仔，姊弟戀好事近。去年十一月 William生日前夕與家人食飯慶祝，女友亦是座上客；早前卻忽然傳出二人陷入冷戰，阿 Sa更飛甩男友，與形象指導馬天佑雙雙飛韓國首爾睇騷，其間阿 Sa表現熱情，與男伴雞啄唔斷，態度親暱，令 William打翻醋埕。
放縱兩日，阿 Sa返港馬上補鑊。上週三（一月三十日）下午，阿 Sa開工為新碟錄音，收工後即撲去慰藉男友。
晚上十時半， William出動其價值近百萬的黑色平治 jeep，載住阿 Sa到九龍城一間日式餐廳開飯。坐低點完刺身，開了一日工，疲態盡現的阿 Sa馬上嚟料，開籠雀一樣，不斷撩話題氹男友，但 William大部分時間零反應，木無表情。
食到一半， William索性拎住電話不停傾，唱獨腳戲的阿 Sa無癮，自顧揭餐牌再點菜。成餐飯阿 Sa全程做晒主動，講到口乾，食到尾聲， William終於軟化，開始有番笑容。
成餐飯，阿 Sa不斷搵嘢講，但 William keep住零表情，之後仲索性拎住電話係咁講。
去攞車時，二人一前一後，行到離行離列。
開咗一日工嘅阿 Sa一臉倦容，一雙黑眼圈現晒形，對住記者鏡頭攰到笑唔出。
氹一個鐘
補鑊飯食了一粒鐘， William嗌埋單走人。
收工冇得休息，還要花近一個鐘才氹掂男友的阿 Sa，離開餐廳時已經攰到散晒，冇厘神氣，出門口見到記者，更加面燶燶，睬都唔睬，急急腳上 William車走人。
阿 Sa同 William生日前後僅差一天，每年唱片公司都會為他們一齊搞生日會。
上月，阿 Sa被網友撞破孖住形象指導馬天佑到韓國睇 Big Bang演唱會冇預 William，即有傳二人耍花槍。
由暗到明
秘婚阿 Sa瞞住地下老公鄭中基， 09年搭上細自己三年的 William，最終搞到離婚，姊弟戀發展三年，去年開始半同居。
09年暗交
10年公開
10年 10月，阿 Sa與 William被踢爆有路後，即透過唱片公司公開承認戀情，翌日，二人由鄭州工作回港時雙雙步出機場接受訪問，表現極戲劇化。
11年遊布吉
11年 2月，阿 Sa與 William秘密飛往布吉過新年，人在外地，二人放下戒心公然手拖手行街，又入住有私人泳池的酒店，鴛鴦戲水。
12年半同居
多次被拍得到 William位於九龍塘寓所過夜，其後阿 Sa在訪問中更公開承認半同居關係。「我間中都會上去，拍拖呢啲嘢好正常！」 
留言列表
