正所謂樹大招風,最近獲獎的梁烈唯被負面新聞纏身,對於新片被指是茄哩啡陣容,直率的他即與網民力抗,為電影護航。唯唯自認是個敢言敢怒的憤世人,力撐「臨時演員」應獲尊重。

莊思敏與梁烈唯都是敢言之人,遇不平時必據理力爭。

梁烈唯剛獲頒無綫「飛躍進步男藝員」,但他與莊思敏參演新片早前被網民抨擊,被嘲角色全屬茄哩啡陣容,唯唯即於網上反駁。唯唯受訪重提此事時仍憤憤不平:「網上世界乜都鬧,佢哋世界得灰同黑,睇唔到個世界有幾靚。我一向係敢言、敢怒、憤世嘅人。佢哋話我哋係死茄哩啡,咁即係臨時演員,都係值得尊重!喺網上寫乜冇人阻到你,但又影響唔到我哋。鬧嗰啲最好唔好去睇,反正睇唔睇佢哋都鬧。有啲好無聊嘅鬧就由你囉,最緊要係佢哋識唔識分咩係好同唔好。」莊思敏亦說:「呢班人愈想鬧你,就愈會入場睇,因為佢哋唔睇會接唔到點鬧,所以反而會係第一批入去睇,當然我哋可以再做好啲。」

有信心不等於自大

唯唯對每次演出都充滿信心,不過他強調自信不等於自大:「作為演員唔能夠對自己冇信心,唔係點喺咁多人面前做戲?但有信心唔代表我係最好,只因每次我都準備充足、投入工作,發現有更多進步空間,所以有信心唔代表唔需要進步。」


梁烈唯每次演出都覺得自己仍有進步空間。

莊思敏坦言拍咀女戲冇難度。

唯唯於電影《古惑仔:江湖新秩序》中不乏激咀嘴戲,享盡艷福的他竟高呼尷尬:「嗰場戲我花咗好多時間說服自己,最難係做好個表情。嗰日喺條街度拍,路人望住之餘,有個女仔嘅男友係咁偷望!」

莊思敏咀女冇尷尬

過往曾與同性拍拖的莊思敏在該片亦不乏咀女情節,她說:「呢個係我幕前初吻,感覺良好,如果錫男仔會尷尬啲,錫同性反而冇咁尷尬。當日放完飯都有去刷牙,事前有問對方有乜避忌。(現實有冇咀過女?)有,所以都唔會太難。」

創作者介紹
創作者 litalife 的頭像
litalife

818 娛樂八掛大放送★

tvb4life 發表在 痞客邦 留言(0) 人氣()