蔡少芬下體出血 航機折返救胎

現年39歲的蔡少芬懷胎五個月,早前一家三口出席佈道會,道出了一段懷孕的驚險經歷,原來於兩個月前,打算外遊的蔡少芬,在飛機準備起飛之際,發現自己下體出血,機師即緊急讓她落機送院,醫生證實她胎盤有裂痕,需在家瞓床兩星期。



蔡少芬的幸福家庭得來不易,曾經歷流產的她生下女兒後,近月再懷胎,早前發現胎盤出現裂痕。

蔡少芬於2010年,曾經歷小產之痛,隨後再成功懷孕,去年5月剖腹誕下大女張楚兒(小楚兒)。今年11月,蔡少芬在微博報喜又再懷孕,但39歲的她已屬高齡產婦,故佗B要分外小心。

瞓床兩周

本月23日,蔡少芬與老公張晉、小楚兒齊齊出席佈道會,蔡少芬與教友分享經歷時,竟道出了一件懷孕的驚險事:「之前我同班姊妹去台灣旅行,一上機覺得唔係好妥,當飛機去到跑道時,我去廁所睇吓有冇事,點知發現下體係咁出血,當時我好驚,向空姐求助,空姐即刻通知機長,機長就緊急安排我落機,送我入院,我同行嘅朋友原本想取消行程陪我入院,但我老公未去開工,可以嚟接到我,所以我叫我啲朋友繼續行程。」


大批教友被蔡少芬的經歷所感動。

張晉陪同蔡少芬出席佈道會,認真廿四孝老公。

一家三口到附近餐廳食飯享天倫。

經醫生診斷,證實蔡少芬胎盤有裂痕,需在家瞓床兩星期,當醫生用超聲波照胎兒時,蔡少芬更大叫:「你嚇死媽咪喇!」蔡少芬真切地道出了該段經歷,令在場教友都為之動容。據知,她今次懷的是女嬰。

險上冧轎

除了今胎有驚險經歷外,原來蔡少芬懷着小楚兒時,亦有另一段經歷。當時蔡少芬正拍攝《甄嬛傳》,再次拍攝坐在八人大轎上的戲份,怎料上轎前,蔡少芬突感心緒不寧,向導演請求可否不上轎,導演認為既然坐在轎上都不見樣,就依照她的意思,結果,正式開拍時,大轎竟突然冧下,嚇得蔡少芬與助手都呆了,當時只有助手知道她懷孕的事,兩人即相擁而哭,齊齊感謝上帝的安排。

見證完畢後,蔡少芬一家三口到附近的韓國料理用膳,記者再問有關今胎的驚險經歷,蔡少芬明顯不欲多談,只笑言:「BB好穩定,係咁踢我,比之前踢得仲緊要咗。」工作方面,她揚言休息至一月再開工,僅出席一些活動,不會太操勞。為免一眾好友擔心,蔡少芬昨日在微博報平安,並感謝大家的關心。

文:影視組

洗盡鉛華 沮喪想自殺

蔡少芬在教會除了道出胎盤有裂痕之經歷外,還談到初入行時被指貪慕虛榮,角色又局限大奸大惡或第三者,令她大感沮喪。1995年,蔡少芬曾一度想過自殺,她表示:「當時我覺得自己係一舊垃圾,去咗三藩市休息,一度諗過自殺,但聽到神召喚『你唔要畀我』,我覺得好好笑,垃圾都要?之後慢慢就信咗主。」



蔡少芬明白到自由比任何東西更加珍貴。

有傳蔡少芬初出道時,有富豪照顧,18歲便舉行百萬生日會,她在佈道會上亦有提過其富貴生活,直到有信仰後,洗盡鉛華,見到名店都要「搵路走」,令她一度有「折墮」感,但之後想清楚,覺得自由才是最可貴:「當年我同舅父行街經過一啲名店,我耷低頭,唔敢睇係咁行,返到酒店問自己點解『折墮』?十幾、廿歲嘅時候,可以揸黑卡,要乜有乜,飛機坐頭等,但依家一無所有,之後,我諗番清楚,絕對唔想返去以前,依家嘅自由,好可貴。」蔡少芬還表示當時想清楚後,跪在酒店痛哭,極之珍惜現在的自由。


現年1歲多的小楚兒健康活潑,是父母的掌上明珠。

「張晉食得住我」

蔡少芬做完見證後,與教友互動交流,張晉則推着熟睡的小楚兒站在一旁等候,呵護備至。不過,蔡少芬在佈道會上,笑言被張晉「食住」:「當年我男朋友(指張晉)好落力追求我,當我同佢一齊,佢就賴嘢喇!因為我變得好想箍死另一半,成日追魂call,佢唔覆我又會極之不安,我都知自己有問題,仲講過幾次分手,希望再見亦是朋友;直至有一次,我去重慶探佢,又為咗啲小事嗌交,我同佢講分手,佢嗰次好認真,幫我執行李,送我去機場,當行到一條橋,我諗起之前行呢條橋仲開開心心,但依家就分手,好唔捨得喺度喊,佢望住我同我講『仲敢唔敢』,我就知道有人『食得住』我喇!」



蔡少芬與張晉結婚4年,依然非常恩愛。

馮仁昭四圍超:胎盤撕裂
蔡少芬力保第二胎 19,222 



■現懷有5個多月身孕嘅蔡少芬,原來曾在飛機上險流產。資料圖片


 

現年39歲嘅蔡少芬(Ada)早前好開心咁喺微博宣佈陀第二胎,之前佢喺佈道會自爆過生楚兒之前曾經流產,估唔到今次有第二胎,胎兒同樣差啲不保。

下體流血不止

噚日有消息指Ada喺上星期一個佈道會度分享,話今年10月尾,佢帶埋囡囡搭飛機時唔舒服,入洗手間後發現自己下體流好多血,當值機師畀Ada緊急落機,老公張晉就飛車入機場陪老婆入醫院。醫生話Ada胎盤出現一條大裂痕,搞到下體大量出血,Ada激動咁話如果唔係有小產經驗,佢會癲咗。不過,之後Ada交代BB家好健康,當時瞓咗兩星期醫院。Ada的經理人噚日係電話中話﹕「問咗Ada,證實冇事,大家放心。」



■蔡少芬承認過去曾經貪戀名利,現在變得踏實,一家三口齊歡度聖誕。
微博圖片

Ada仲喺佈道會透露十幾廿歲洗腳唔抹腳嘅瘋狂歲月,令人聯想起多年前與劉鑾雄嘅緋聞。大前日聖誕節,Ada喺微博上載咗一家人開心慶祝合照,Ada話:「今天是主的誕生,願你們每一個好好享受這個美麗的一天!」佢哋仲整埋人形曲奇餅,預埋未出世BB一份。噚日張晉又喺微博晒溫馨,楚兒錫咗爸爸面珠一啖,張晉當然冧爆。
撰文:馮仁昭

Ada下體出血嚇到喊

39歲的蔡少芬(Ada)早前到教會傳道,屬高齡產婦的她分享最近胎盤有裂痕的驚險經歷,兩個月前她與朋友搭飛機遊台,豈料起飛前,Ada發現下體不斷出血,即緊急落機送院,經診斷後發現胎盤有裂痕,需在家臥床兩星期,幸現已無大礙!

蔡少芬(Ada)與老公張晉、女兒小楚兒早前到佐敦出席佈道會,為了傳道,Ada上台與教友分享今次懷胎的一次驚險情況,她眼濕濕地說:「之前我同班姊妹去台灣旅行,點知一上機覺得唔係好妥,當飛機去到跑道嘅時候,我覺得一定要去廁所睇吓有冇事,點知發現下體係咁出血!當時我好驚,向空姐求助,空姐即刻通知機長,機長就緊急安排我落機,老公亦趕嚟機場陪我入院!」

Ada被急急送往醫院後,經診斷發現胎盤有裂痕,醫生用超聲波照胎兒時,Ada十分擔心,醫生遂講笑叫BB跳多啲,好讓她安心,看到胎兒如此「活潑」,Ada不禁說:「你嚇死媽咪嘞!」幸好她在家臥床兩星期後,現已無大礙,據知,她今胎懷有B女。不過,原來她懷有小楚兒時,亦曾有一段驚險歷程,當時她正拍攝《甄嬛傳》,突然有預感堅持不上轎,其後發生斷轎意外,避過一劫!

講完一段又一段驚險事之後,Ada在佈道會上亦提到當年跟張晉拍拖時,曾多次輕言分手,結果張晉在忍無可忍之下,終遂Ada所願,嚇得她痛哭,幸最終能挽留張晉,雙方和好如初,Ada還笑言終有人「食得住」她,十分搞笑!

幸無大礙 下月復工

見證完畢後,蔡少芬與老公、女兒到附近的韓國料理用膳,問到今胎的驚險經歷,Ada明顯不欲多談,只笑說:「BB好穩定,係咁踢我,比之前踢得仲緊要咗!」她還透露會休息至下月再開工,但只是出席一些活動,不用操勞。昨日她為免一眾好友擔心,在微博報平安,指BB與她都很健康,感謝大家的關心。

影視組

Ada在老公張晉及囡囡楚兒的支持下,在佈道會中分享發現今胎胎盤有裂痕的可怕經驗!

笑言被食住的Ada與張晉Sweet到漏。

張晉抽住一袋二袋仲要推BB車,以免Ada操勞。

富貴不再感折墮蔡少芬曾想自殺

蔡少芬在教會做見證,自爆入行初期被指貪慕虛榮,導致角色被局限,常演反派及小三,Ada說:「當時我覺得自己係一舊垃圾,去咗三藩市休息,仲一度諗過自殺!」有傳曾獲富豪照顧的她,在佈道會提及當初的富貴生活:「當年同舅父經過啲名店,我耷低頭唔敢睇,覺得自己好折墮,點解十幾廿歲嗰陣揸黑卡,要乜有乜,飛機坐頭等,但依家一無所有,之後諗清楚,絕對唔想返去以前!」她當時曾跪在酒店痛哭,現極為珍惜自由。

常演反派令Ada十分沮喪,克服心魔後在多年前的《珠光寶氣》挑戰不討喜的角色。(資料圖片)

婦產科醫生告誡:嚴重會流產!

婦產科醫生靳嘉仁表示胎盤有裂痕的情況,在懷孕初期屬常見︰「胎盤開始離開子宮,嚴重會流產,通常係十分一機會,最重要休息多啲,唔好做運動同性行為,適當處理會冇事。」他指蔡少芬雖曾流產,但再流產風險不會較高︰「通常連續流產三次先會有影響,佢初時流粉紅色液體係陰道分泌加上少量血,之後血流多咗就變鮮紅色。」

圈中真實見證

近年不少藝人決心信主,更將過往的惡習好好反省悔改,令生命中有着很大轉變,走回正確的道路。


衞詩

衞詩於2009年在日本藏毒被捕,獲釋後被唱片公司解約,心情大受打擊。後來她經常返教會,令性格變乖和學懂關心身邊人,去年更到歐洲進行佈道之旅,分享戒毒經歷。

孫耀威

信主多年的孫耀威,今年5月在佈道會分享見證,自爆未信主前試過酒駕,直至信主後認罪悔改,在性格上有很大改變。

吳建豪

台灣歌手吳建豪在2009年信主後禁慾戒色,與他以前不時跟女生上床,放縱慾海有很大分別,現他維持禁慾令直到結婚。

十分一機會流產

婦產科醫生靳嘉仁表示,孕婦在懷孕初期胎盤有裂痕屬於常見︰「因為胎盤開始離開子宮,嚴重會流產,通常係十分一機會,但處理好個胎會冇事。」他又表示最緊要多休息︰「唔關搭飛機事,最重要係休息多啲,唔好做運動和性行為,有時醫生會開叫黃體酮嘅藥畀孕婦食,但作用不大。」至於曾流產的蔡少芬,是否更加要小心?他說︰「通常連續流產三次先會有影響,佢初時流出粉紅色液體,係陰道分泌加上小量血造成,之後血流多咗變鮮紅色。」



 

 

arrow
arrow
    全站熱搜

    tvb4life 發表在 痞客邦 留言(0) 人氣()