close
梁朝偉、劉嘉玲自○八年於不丹完婚後，嘉玲曾公開表示「一直想當媽媽」，惜各有各忙，至今仍未一擊即中。今月初偉仔在電影《大魔術師》首映禮上，恨生仔恨到出口：「唔係話中就中，我夠想中馬票啦！」
年屆四十六的嘉玲，當然收到，近年減產拍戲，另戒夜蒲、勤做運動及睇中醫等，努力調理身子，早前趁農曆年假即拖老公到北海道展開七日六夜蜜月之旅，除出外滑雪外，大部分時間都留守房中二人世界，努力造人，趕追龍B。
偉仔嘉玲連日都拎住滑雪用的TT板上落雪山，由於由頭包到落腳，絕不惹人注目。
計劃周詳
是年明星生仔熱，連工作多過放假的劉德華都造人成功，其四十六歲的老婆朱麗倩至今佗B五個多月。跟朱麗倩同年的嘉玲，自跟偉仔結婚以來，一直想為梁家繼後香燈，惜至今仍未有所出；但前車可鑑，對生仔再度重燃希望。
「一直想當媽媽，只是一直在排隊」的嘉玲，曾表示未有接受人工受孕，主張採取順其自然，她說︰「小朋友係上天嘅禮物。」正所謂天意人為，近年減產拍戲的她，不時飛往印度見大寶法王、聽經又捐廟作福；而其餘時間又勤力跑步做瑜伽、更睇中醫調理身體，為求仔用盡方法。
嘉玲做足準備，老公偉仔亦落力配合，上年連續趕拍三部戲的他，二人無奈長期分隔異地，終在農曆新年前完成電影《大》的宣傳後，即返港陪老婆過年。現年四十九的偉仔，依然有心有力，本月十八日二人即遠赴日本北海道，努力在七日六夜把握時間造人。
在北海道過新年的偉仔嘉玲，連日來都孖咇出入，大晒恩愛。
友人要求影相，偉仔即除帽露出真面目，嘉玲即拎相機交人代拍。
偉仔嘉玲和友人攬住大合照，非常親熱。
是次偉仔嘉玲反客為主，反替友人們揸機拍照。
繼而眾人又圍在一起睇相。
全站熱搜
留言列表
