湖南玩埋
去年 5月， Angelababy與余文樂到湖南錄節目，收工後和經理人、韓火火和徐濠縈齊齊開餐，更黐到實影相，兩人個樣擺明冧爆！
封面
短片跳艷舞 Baby挑逗余文樂
2012年01月11日
22歲 Angelababy（楊穎）與 34歲「海綿蛋糕」黃曉明拍拖 3年，多次偷會斷正但二人從未公開戀情，早前亦傳出 Baby同電影拍檔彭于晏撻着，但女主角極力否認被追，力保女神清純形象。
刻意製造單身假象，據知一向鍾情高大俊男的 Baby，月前睇中有車有樓的 30歲余文樂。同樣熱愛時裝的樂仔同 Baby，據知透過共同朋友彭于晏混熟，至去年孖住到湖南長沙做節目時終於玩埋。 Baby上週六（ 7日）主動在最近藝人潮玩的短片分享網站 Viddy內拍下扭腰艷舞短片，開戶口同日更搶先第一個關注余文樂，仲激冧樂仔的晒肌滑水短片。積極又主動，海綿蛋糕會唔會即刻學拍片示威呢？
湖南玩埋
去年 5月， Angelababy與余文樂到湖南錄節目，收工後和經理人、韓火火和徐濠縈齊齊開餐，更黐到實影相，兩人個樣擺明冧爆！
Baby同黃曉明曾經甜蜜，但二人經常分隔兩地各有各忙，有傳濃情變淡。
同黃曉明拍拖初期， Baby不避嫌主動探男友班，又被影到在澳門放煙花，非常癡纏，可惜 3年熱戀期已過，加上兩人各有各忙，有指 Baby與海綿蛋糕已濃情不再。
只關注樂仔
極需要愛情滋潤的 Baby，上年與同屬潮人的余文樂成密友。據知二人去年 2月為動畫《魔髮奇緣》配音，宣傳期間見得多， 5月又一齊飛湖南長沙錄影娛樂節目《快樂大本營》，密密見友誼升晒呢。
經常周圍飛， Baby唔只上微博向樂仔噓寒問暖，最近知道樂仔愛玩可拍短片的分享網站「 Viddy」，上週六主動開戶口跟玩，並對樂仔的滑水片畀 like。屬新手的 Baby只關注 9人，當中得樂仔一名圈中男星，更是第一個 follow（近似微博的「關注」）的朋友，初玩「 Viddy」的 Baby三日內已急放 6段私密自拍片，包括幾段 fing頭扭腰「艷」舞，極貪新鮮。
晒腿扭籮
換晒珠片裙同毛毛 boot的 Baby，罕有左扭右扭跳艷舞，係仔睇到都冧爆啦！
露罅玩狗
Baby去到關島做嘢都要拍片遙距冧樂仔，仲着條 see through低胸裙玩狗，引死人咩！
風騷單眼
Baby在另一段片喪 fing頭，尾段又單眼擺 chok樣，非常 natural high！
勁 like裸樂
9/1喜愛滑水的樂仔，上載了一段赤裸上身的滑水 chok片， Baby見到即時讚好。
微博早傳情
未有 Viddy前， Baby已公然在樂仔的微博留言，更對樂仔一舉一動非常關心。
彭于晏拉線
上年 2月出席《魔髮奇緣》宣傳，樂仔有風度地為 Baby拉裙，氹到對方四萬咁口。
玩埋大半年，其實 Baby同樂仔早已認識。兩人除了不時在公開活動同場， Baby的圈中好友周柏豪及彭于晏亦是樂仔死黨，四人定期有飯局聚會。
「 Baby圈入面冇乜男仔 friend，柏豪同 Eddie（彭于晏）算最熟，佢哋耐唔耐會約埋樂仔打籃球，其實都有叫 Baby捧場 㗎，不過 Baby成日唔喺香港，所以多數只係出 嚟食飯！」知情人士透露。
近水樓台，爭奪舒淇失敗的樂仔，呢期 dry爆， Baby積極示好，樂仔收到未？
2,500萬物業揸手
入行多年，余文樂歌影視廣告乜都撈齊，由元朗仔變為家住半山的上等人。除了自住的東半山物業，廿四孝樂仔更在元朗買了一間獨立屋給家人居住。有米又顧家，難怪女神都嗒糖！
兩層豪宅揸手，現擁有一架過百萬林寶堅尼跑車的樂仔，上月又到車行睇車，認真富貴。
元朗錦繡花園 620萬（ 10年 4月買入）市值 600萬
半山肇輝臺嘉苑 1,626萬（ 10年 5月買入）市值 1,800萬
Viddy多嘢玩
明星爭住玩的短片分享網站 Viddy，可以畀用戶上載唔超過 15秒的短片，雖然唔及 YouTube可上載長片，但 Viddy同微博、 fb一樣可以互相 follow，亦可以喺對方的短片留言或畀 like，加上 iPhone有得免費下載 app，吸引大班貪新鮮潮星爭住玩！
被槍殺
用戶可以加不同效果落短片，例如張敬軒就試過扮中槍，同埋用《慈善星輝布公仔》中嘅 Miss Piggy做短片主角。
玩動畫
陳冠希撩栢芝 Cammi爭住 like
上週五（ 6日） EdIson孖住老豆陳澤民巡鋪。
離離合合、決裂又破冰、間接摧毀霆鋒、栢芝 5年婚姻嘅陳冠希，話就話機艙合照後冇聯絡，實情又靜靜雞 follow咗栢芝 Viddy戶口，時刻留意住栢芝工作動態同屋企兩個活寶貝。
Edison一廂情願 follow栢芝，栢芝就當 Edison冇到，而最 update前度 Cammi follow栢芝之餘又在 Edison新笑片留言，認真可圈可點。
本刊上週五（ 6日）發現低調回港嘅 Edison到銅鑼灣巡鋪，全程竟然冇女埋身，得父親陳澤民陪伴。較早前 喺 Viddy霸王硬上拍嘅長髮妹，又證實 咗係 Edison的已婚助手，即係話同 Cammi散拖後確實未有新女上釣啦！沉迷影相拍片的 Edison，睇嚟好戲陸續嚟！
Follow栢芝同 JM
勁濫 Edison唔避忌 follow栢芝，又 follow「模 Art」 JM，難怪有傳佢繼 Cammi後食埋女神。
最新笑片
本週一下午 5時， Edison失驚無神上載一段長 15秒狂笑片上 Viddy，而本來唔係 follower的 Cammi亦即時留言一齊笑。
Cammi作狀床照
Cammi Viddy短片有唔少強迫男友人上鏡片段，力證 Edison離她而去後繼續有異性緣。而同 Edison床上咀嘴化行妝嘅 Cammi亦上載一段假大眼濃妝睡衣照，睇 嚟 16歲 Cammi真係堅持 24小時化妝，一秒都唔鬆懈。
栢芝剷埋 Lucas
栢芝 Viddy戶口一半以上內容係兩個寶貝仔嘅生活短片，不過自從被傳媒踢爆，上週日本來剷淨 Lucas練寫英文字母嘅栢芝，週一突然剷乾淨 Viddy戶口，冇晒睇頭。
有片睇 丁生愛丁太
元旦日公開懷孕喜訊，本來已經恩愛爆嘅丁生丁太，呢期更加寃氣過埋最後唔夠 7個月嘅二人世界。千嬅忠心粉絲都係為 咗佢唱歌做戲先愛佢，丁生就連丁太行幾步路都覺得好韾香，上載 Viddy命名為「 My wife is walking on the street」，真寃氣。
鍾欣桐被攝
當年一樣捲入淫照事件嘅阿嬌，相比下潔身自愛得多，冇 Viddy戶口，當然冇得 follow Edison同栢芝。不過有時俾人抽水避無可避，吳雨霏緋聞男友兼形象設計師馬天佑就上載 咗阿嬌《勁歌總選》後台裝身片段，阿嬌全程笑騎騎任影。
JM素顏 揼
微博又好、 Viddy又好，最精采之處就係睇明星自動出賣私隱。平時上鏡一絲不苟扮靚靚嘅 JM就分享素顏 揼腳片段，一路 揼一路呻「好 攰呀！」至於有傳佢和 Edison搭上， JM經理人公司就話：「呢件事冇回應。」
留言列表
