close
法網狙擊 陳敏之 警察証件 穿崩 JJ 大叫「仆街」
《法網狙擊》今集精彩鏡頭陸續有o黎，陳敏之做警察女臥底，有眼利網民睇到張証件寫住「只作道具之用」，以為TVB又是是旦旦。
其實拍劇用紀律部隊嘅嘢，都要好小心，加呢句上去係用o黎以茲識別作道具用途，基本上一定要加，如果唔係，每個人都拎張証件出去冒認紀律部隊仲得了嘅？不過就勸TVB下次小心啲囉，而家啲電視全部都超高清，要捉錯處，真係易過借火呀。
而今集，JJ(賈曉晨)做嘅按摩女本來想借個情夫頂罪，但最後峰迴路轉，個情夫謀殺罪唔成立，仲揭開埋真相拉埋佢，搞到佢顛咗咁大叫：「仆街！」哇，驚唔驚畀師奶投訴？
拍劇用o既紀律部隊証件，要好小心處理o架。
字幕當然唔會出「仆街」啦。
《法網狙擊》陳敏之森美齊齊露底
2012-12-20 22:13:21
《法網狙擊》似乎係要搵性感女藝人o黎谷收視，o尋日苟姑娘就車震，森美按摩被騎。
今日到「索腿天后」陳敏之，低胸熱褲跑樓梯，仲搵森美隻手放上自己心口屈佢非禮，之後上天台捉疑犯，搞到森美差o的跌落樓，敏之扯爛佢條褲之餘，自己舉高隻腳都唔小心露o左小小底。
而鏡頭一轉，有網民發現第2鏡時森美條皮帶已經唔同o左，難道o係扯爛o左?而家拍劇真係要嚴謹o的，如果唔係，真係有排捉呀!
敏之賣大包，露上又露下。
仲將森心隻手放自己心口屈佢非禮。
高抄
除o左留意敏之露o左底褲邊，請留意o下森美條皮帶。
第二個鏡頭皮帶唔同o左。
全站熱搜
留言列表
