close


着晒情侶裝嘅Gigi和Sergio，由8點食到10點半，Gigi離開拎住老公送嘅玫瑰花，仲有價值1萬5千蚊嘅Jimmy Choo clutch bag。呢個款全香港得3個咋喎！

35歲梁詠琪同西班牙籍老公Sergio認識未夠1年於上年尾拉埋天窗，今年係第1次過情人節，週日（12日）Sergio一早book咗餐廳同老婆慶祝，又送花送蛋糕冧Gigi。
不過最感動當然係出身富貴的Sergio成功向其工作的國際食品公司申請調職來港，1月已經返工。據知Sergio為黐實老婆，更不惜賣掉西班牙的物業及車，農曆新年返工仲向同事派利是，入鄉隨俗學做中國人！


因為要準備5月嘅台灣演唱會，Gigi於本周一情人節前夕（13日）就要出發去台北做宣傳，話晒第1年過情人節，點都要提早慶祝。週日（12日），Sergio秘密訂了ICC頂層102樓Ritz Carlton的意大利餐廳Tosca同老婆撐枱腳。唔講唔知，Sergio去年就在Ritz Carlton向Gigi第2次求婚成功，話晒結婚只係3個幾月，落車前兩公婆仲忍唔住咀啖，sweet到暈。

駐港黐老婆
為咗黐實Gigi，原本於國際食品公司任職高層的Sergio，結婚之後就即刻向公司申請調職來港，終於喺1月申請成功，職位跟以前一樣，不過返工就要去到新界區。據知，決定結婚初期，Gigi同Sergio都為日後見面而頭痛，起初Gigi有諗過定居西班牙，但又有片約、又要開演唱會，而且Sergio亦覺得Gigi未想放棄事業，所以情願犧牲自己，離開家鄉移居來港。為表誠意，亦將西班牙名下嘅物業同房車賣走，畀老婆十足信心。

年返西班牙3次
老公錫晒，Gigi亦好識做，36歲Sergio初來香港返工，Gigi願意一早起身做司機車老公返工。本週一，Gigi回應時仍忍唔住流露甜蜜，「第一年過情人節，雖然要去台灣準備演唱會，但我哋慶祝咗2日。（Sergio已經來港工作？）係呀，新年已經返緊工。好彩佢都適應到。我教咗佢派利是畀同事同講『恭喜發財』，而我哋亦協議咗每年最少返西班牙3次，Sergio父母對我好好，我都好掛住佢哋。」Gigi咁識做，唔怪得老公錫到佢燶啦。

Instagram晒幸福
Gigi一直有玩開instagram，星期六、日就upload咗個心形蛋糕同紅玫瑰，唔使講都知係Sergio安排啦！Gigi說︰「個蛋糕係我哋一齊整嘅，其實我家成間屋都係花，哈哈！」

星級餐廳
全港最高嘅酒店Ritz Carlton，於ICC最頂的6層（102-118樓），食肆每間都超人氣，要訂位通常都要預早一個星期甚至一個月。位於102樓嘅意大利餐廳Tosca更加係星級餐廳，賭王四太、三太女何超蓮、梁振英同老婆成日都嚟捧場。不過Sergio之所以揀Tosca，只係因為佢喺Ritz Carlton向Gigi求婚成功啫。

龍女Gigi：想追蛇B
最近Gigi出席活動，發現佢圓潤咗，但Gigi力撐自己冇大肚︰「做完個騷（5月台灣演唱會），我就可以好放心，其實出年都幾好，追唔到龍B追蛇B。我屬龍，如果兩條龍會好惡嘛。」

億萬富婆
入行17年嘅梁詠琪雖然未去到樂壇一姐，不過拍電影、拍廣告及登台，搵埋唔少。本刊計過Gigi同媽媽現手持嘅物業總值加埋接近1億港元。Gigi唔聲唔聲原來已加入富婆行列。 ####

 
上年10月結婚，今年1月Sergio成功申請公司調派來港工作，方便全天候服侍老婆。


Sergio好細心，開門畀Gigi上車先，走嗰陣Sergio仲同記者say goodbye，勁親切。


車廂啜爆到咗酒店門口，兩公婆都要咀啖先肯落車。

 
早年憑〈短髮〉、〈膽小鬼〉於台灣走紅嘅Gigi，第1次返老家開騷，Sergio亦一早請假，5月跟埋老婆去台灣。








何超蓮


梁振英夫婦《蘋果日報》圖片


上週四（9日）Gigi穿上連身裙出席活動，面脹脹又肚凸凸嘅佢話想同老公先環遊世界，但已經不設防嘅Gigi，真係隨時做阿媽㗎！


去年於西班牙舉行婚禮，Gigi特別搵經理人個仔童子跳床，可想而知佢幾恨做媽咪。




arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄