上週四（9日）阿旦和阿感呢對怨侶在活動首度重逢，表現尷尬，而同場又知內情嘅DaDa亦替好姊妹出頭，藐爆男方。

32E「E奶紅姑」胸模鄧伊玲（阿旦），一直公開與TVB節目主持黎國輝（阿感）的戀情，可惜新年前男方於微博宣布分手，一句「新一年我決定擺脫過去……尋找你的沈佳宜」，單方面判5年半感情死刑。
癡女阿旦以為感情轉淡，但實情係花心阿感多年來背住阿旦溝過內地模，更明戀阿嬌（鍾欣桐）。阿感一直癡戀阿嬌，明知神女無心，依然經常在微博向女神獻殷勤，甘願自稱「小桂子」越級高攀他口中的「嬌公主」。據知曾有內地模跨境搵上門，搞到阿旦哭訴話：「啲女好cheap！未見過有女人會送上門咁賤！」賤男在身邊就真！


27歲、擁32E巨乳的阿旦，與大她4歲的阿感因朋友介紹而認識，5年半來不但高調承認拍拖又同居，更認定阿感為結婚對象。至月前二人冷戰，阿旦更搬離愛巢博男友翻兜，點知新年前阿感於微博發表單身宣言，後知後覺，苦等阿感三個禮拜才發現被飛的阿旦，在微博炮轟：「你真正要交代的是我……我們真的不行了嗎？」捱唔到七年之癢。

通頂私信
阿旦閨中密友透露，阿旦一路想結婚，但其實男方一直騎牛搵馬，曾經密會江若琳，又撩國產模，終極目標更是相識了10年的阿嬌。「阿旦成日呻話淡咗好多，阿感對其他女仔好過對佢，呢一年電話上鎖，沖涼跟身，瞓覺都放電話喺枕頭底，好多秘密，特別對阿嬌好到唔似係friend咁簡單。試過阿旦通頂做嘢，返嚟先發現阿感同阿嬌喺微博同WhatsApp傾通宵，阿感同阿嬌私信『瞓咗未呀』，又話預備禮物畀佢，阿嬌只係答吓『yes，no』，阿旦都鬧過佢『你咪一廂情願！』「阿旦覺得男友自作多情，但估唔到上個月（1月14日）佢要返內地第一次登台，叫男友同行壯膽，但阿感話要開會，實情去咗幫阿嬌（預祝）生日會做主持。點知之後報道出晒街。呢件事搞到阿旦好失望，之後兩個冇見面，諗住冷靜吓，阿感都不聞不問，之後喺微博post講分手。」

與江若琳遊日
花心男友一腳踏幾船，其中包括10年前暗交江若琳。「阿感同江Ling（指江若琳）試過一齊去日本拍嘢後好close，成日講電話約食飯，連阿旦打長途電話畀佢都唔聽。之後二人愈行愈埋，有次阿旦仲發現江Ling一晚打成8、9次電話畀阿感㖭！嗰次阿旦警告過阿感。但呢幾個月阿感又約北京model去中環飲酒。阿旦睇微博見到個女仔喺toilet自拍，而阿感就喺佢微博話『等咗你好耐，原來你在toilet影相』！阿旦喊住同我哋講『啲女好cheap！未見過有女人會送上門咁賤！』」


週日（12日） 阿旦在公司好姊妹Liz（李宥彤）陪同下，抱住愛犬憔悴遊街，拒絕回應舊情：「我冇乜嘢要講。」而週一（13日），返TVB開工嘅阿感，對本刊承認諗過同阿旦結婚：「有，只係時間配合唔到。」但問到與阿嬌及江若琳交往甚密，佢話：「做得娛樂台主播，我冇理由同佢哋唔friend㗎喎！」但喺微博孔雀開屏，呃唔到人喎！

示愛鐵證
阿旦與阿感5年半感情錯綜複雜，有指阿感經常在微博出招冧女，而阿嬌更係頭號女神，見post率極之高，每段留言仲好有遐想添！

轉移視線　花心阿感：我同阿Sa都好friend
微博爆分手，癡戀阿嬌而狠撇5年正印嘅阿感，週一（13日）離開觀塘曉光街寓所時，見到記者非常錯愕，但仍禮貌邊行邊談，有講有笑，一啲都冇分手情傷，其間更將阿Sa拖埋落水，企圖轉移視線。


F：《FACE》　感：黎國輝 F：點解唔直接講分手？要喺微博講？感：我之後有直接講，有打番畀佢（阿旦）。 F：阿旦同你咁耐，都已視你為結婚對象。感：係係係………（有冇傾過結婚㗎？）有有有……（但點解最終冇結婚？）因為時間未必配合到啫。 F：追咗阿嬌一排喎？感：梗係唔會啦……好簡單……我識咗佢10年喇！I mean我識咗Twins 10年喇，點會發生呢啲事，如果要發生……我好明白，大家需要一啲noise，我同圈中好多人都好friend，呢啲唔可以否認嘅，呢啲係事實……只不過你知道佢（阿嬌）可能單身，例如我同阿Sa（蔡卓妍）都好friend，大家會唔會攞我同佢一齊？譬如江Ling（江若琳），啱啱返嚟香港，大家會將焦點放咗落佢度啫。 F：同阿旦一齊，又溝其他模？感：模真係冇……識DaDa（陳靜）囉，我都係through（經）阿旦識DaDa。

集郵主播
31歲嘅阿感（黎國輝），00年拍Rejoice廣告（右圖）入行，後加入香港電台第二台任DJ，曾拍過港台劇集《青春@Y2K》，其後轉投無綫娛樂新聞台任主播。事業未算突出，勝在多機會黐星囉。 ####


上月15日，即阿旦同阿感冷戰第二日，阿感在微博post上一段「擺脫過去」嘅宣言，阿旦到過年期間才發現男友單方面斬纜。


阿感經常在微博尊稱阿嬌做「公主」，然後又自稱做「小桂子」，完全唔怕俾人笑係觀音兵。


去年阿旦推出半裸寫真集，阿感亦有到場支持，阿旦曾在訪問話：「拍寫真前問過佢介唔介意，會唔會因為咁唔娶我，佢話唔會。」可惜此情不再囉！


豪show 32E身材搵錢至上為儲錢結婚，阿旦曾話：「我每次出糧都會lock起一筆錢儲，但有時佢使唔晒先嚟儲。」有心定無力，家明晒。


週日（12日）臨近情人節，歷情傷嘅阿旦抱住愛犬，約好姊妹Liz外出用膳，但沿途神色凝重，笑都冇笑過。


10年9月阿感在江若琳微博自爆同阿感一齊去過「大澳版威尼斯」，原來除咗同遊日本，連大澳都去埋，似足情侶四圍拍拖。


早在10年年底，阿感在微博讚姚子羚時，阿嬌留言話「你示愛呀？」，阿感即時補鑊話「公主息怒，向都先先向你示愛呢」，完全當女友阿旦唔存在，而阿感亦從未帶阿旦見阿嬌、阿Sa。


撐嬌生日有指阿感呃阿旦鬼崇出席上月14日阿嬌與歌迷舉辦嘅生日會，令阿旦死心。後來從流出嘅相片所見，阿感亦玩得相當盡與。


唔陪正印


年幾以來，阿感除咗稱阿嬌做「公主」之餘，亦經常轉發阿嬌嘅微博和報道，更不避嫌大讚特讚，當阿嬌女神咁拜。


識咗12年 2000年阿感因拍港台節目《青春@Y2K》而認識阿Sa，從而結識阿嬌，雖然三人相識逾12年，但據知熟絡只係幾年嘅事。


借台劇求愛去年中播出嘅台劇《我可能不會愛你》，由林依晨和陳柏霖主演一對相識十多年嘅好朋友，劇集講述關於「男女之間到底有沒有純友誼」。


上月25日，剛撇阿旦的阿感在微博借台劇《我可能不會愛你》來抒發，說「一段十多年的友情，要轉變絕對不容易」，但後來又不斷補充說錯過咗再有機會就要爭取咁話，十足十求愛宣言咁！


本週一下午3時，阿感步出大廈見記者採訪，仍不慌不失講分手。


00年入行


陳自瑤00年時因與阿感合作廣播劇而撻着，但04年YoYo移情別戀蔡淇俊。《忽然1周》圖片


08年，阿感主持TVB收費電視節目《范後感》邀請過江若琳做訪問，有指二人交情日深，經常相約飯聚及電聯。《蘋果日報》圖片


口花花嘅阿感在微博上稱相識多年嘅傅穎做「Baby」，把口𠺘過油冇句真。


今月5日，HotCha成員Crystal在微博留言，恢復單身嘅阿感已乘機相約飯局，動作多多。

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄