close


















許志安與鄭秀文去年3月世紀復合，大方承認翻撻後不避嫌同台演出，又請假遊東京預支蜜月，安仔更跟隨Sammi改信基督教，齊齊信主得愛。
復合甜到漏，但原來Sammi對安仔是否虔誠信主仍然有保留，會定期測試安仔有冇熟讀聖經和上查經班，兩人更曾為此問題拗撬。據知Sammi同安仔近日又為查經問題炒大鑊，上週六（11日），本刊發現安仔專誠約Sammi撐枱腳補鑊，其間仲用碧咸的裸照氹女友開心。其實安仔用自己張裸照會唔會更有效呢？v


上週六（11日）晚九時多，許志安同Sammi、兩人御用髮型師Billy及女助手到中環的明星飯堂大班樓開餐，一行五人揀了最隱蔽的位置坐低，其間開了7支酒，紅白酒及日本清酒乜都有，安仔同Sammi似足新人敬酒，一杯接一杯飲到面紅紅，熱鬧程度有別於普通飯局。

飯局補鑊
食到一半，安仔突然遞部iPhone畀Sammi睇，原來係早前突然於網上瘋傳，碧咸早年為愛滋病籌款影下的全裸照，雖然張相冇當年倪震自拍裸照冧周慧敏咁震撼，但鬼馬安仔亦成功借萬人迷過橋，氹得Sammi喪笑。花盡心思氹女友，據知是安仔之前因為懶上查經班而激嬲Sammi，所以特登食飯補鑊。「Sammi同番安仔一齊之後，好緊張男友有冇晚晚讀聖經同查經，除咗一有時間會夾安仔去教會，又定時定候考吓安仔記唔記得邊個章節講咩，最衰安仔又真係冇乜上心，十次有九次都口啞啞答唔出！Sammi覺得安仔好唔啱，兩個仲成日為呢啲事嘈！」知情人士透露。

Eason都捧場
安仔Sammi出名識食，上次世紀復合揀喺老字號太平館食豬髀飯，今次補鑊宴就訂了米芝蓮一星食肆的大班樓。位於中環九如坊的大班樓，標榜冇味精粵菜，鎮店名菜雞油花雕蒸大花蟹更要提早預訂，連Eason、何超儀及房祖名等都愛去開餐，難怪安仔Sammi食足幾粒鐘先肯走！

情侶檔撐梁炳

FaceTime監視
去年3月爆出二人復合，咁啱Sammi當時正在雲南拍《高海拔之戀II》，而男主角又係同Sammi傳過緋聞的古天樂。唔想戀情再有閃失，據幕後人員透露，安仔當時晚晚用FaceTime（iPhone視像功能）遙距監控Sammi，確保自己掌握女友一舉一動。「安仔根本唔想Sammi同古仔去雲南咁耐，但Sammi一早應承咗杜sir（杜琪峯）冇辦法。雖然Sammi一早派晒定心丸保證同古仔冇嘢，不過安仔始終好擔心，咪晚晚用FaceTime同Sammi傾電話，借啲意check實佢收工有冇過咗古仔房玩囉！」

FaceTime實Sammi
Sammi同緋聞男友古仔去雲南拍《高海拔之戀II》，緊張大師安仔晚晚用FaceTime監視女友，確保Sammi冇出軌。

唔恨做許太
為免夜長夢多，加上年紀唔細，盛傳44歲安仔打算今年8月娶女友過門，但結婚原來只係安仔一廂情願，想用許太名分箍實39歲Sammi，但偏偏Sammi完全唔心急做靚太，更多次公開否認結婚。「冇諗過結婚！家唔需要，相處吓先，現階段冇呢種想法！」唔急結婚，Sammi亦唔似陳慧琳同楊千嬅趕住做媽咪，「我冇打算生，毫無衝動，愈來愈冇，冇諗過做媽咪，除非上帝安排我生啦！」連結婚生仔都要等上帝安排，睇嚟安仔想成家立室真係要多啲祈禱喇！

信主得愛
曾經患抑鬱症的鄭秀文，自從05年信主成為基督徒後，無論性格工作愛情都有極大轉變。臭四變四萬，最大得益肯定係身邊人安仔！ 性格　變四萬以前經常發脾氣鬧助手、鬧記者，被傳媒封為「臭四」，但信主後Sammi變得平易近人，唔再黑面。


事業　福音碟 09年出福音碟《信Faith》，歌詞大部分與主耶穌有關，Sammi更將該碟的過百萬版稅全數捐畀「無國界醫生」。


愛情　分房瞓上年6月蜜遊東京，身為虔誠基督徒的Sammi堅稱與安仔分房瞓，而且反對婚前性行為，「呢啲嘢留番結婚後先做，嵋家唔可以做！ ####

 
晚飯期間，Sammi同安仔排排坐，安仔雖然餓男上身不停食，但都有為女友夾餸，氹到Sammi全晚笑唔停。

 
狂食

 
喪笑


食食吓飯發現記者，兩人的御用髮型師Billy立即發微博狂呻：「吃飯而已，又何必呢！」鬼叫你同兩個巨星食飯咩！


睇碧咸大鳥
碧咸裸照盛傳係合成照，但安仔照樣拎畀Sammi開眼界！


安仔出動裸照咁驚喜，Sammi成餐飯笑唔停口，仲有心情邊食邊玩微博。


Sammi助手Eleanor見有記者影相，罕有發難衝出餐廳擋鏡頭。


俾記者跟住，安仔惟有自己搭的士返歸，Sammi就同女助手跳上保母車，各自走人。


Sammi愛清酒


安仔飲紅酒


大班樓出名食雞油花雕蒸大花蟹，識歎安仔仲帶齊紅白清酒配小菜，五個人飲七支酒，都幾誇張！


$830雞油花雕蒸大花蟹


梁漢文上月尾搞演唱會，Sammi同安仔情侶檔撐老死，落台時安仔更出手扶實Sammi，sweet爆！


病住為Wyman騷做嘉賓，Sammi冇安仔同台依然high爆，唱足3首歌。


上年3月被影到去太平館撐枱腳，事後安仔主動喺個唱記招承認翻撻。《蘋果日報》圖片






《忽然1周》圖片




《忽然1周》圖片

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    litalife 發表在 痞客邦 留言(0) 人氣()

    E-mail轉寄