close
揞名爆
「直地」呃番書女「送外賣」
話說早兩年，三十幾歲、都算唱得吓嘅「直地」返咗內地發展搵人仔，仲順手搵埋個北京女友，媽咪姐都戥佢高興。不過好景不常，唔多識撈嘅「直地」喺內地嘅事業停滯不前，近年迫住食回頭草，接吓港澳嘅 show嚟做。
其實呢，馬死落地行都好平常，但呢位出名花弗嘅童顏歌手，返到香港竟然又借機溝咗個喺外國返嚟兩年嘅廿幾歲 OL，呃人話自己同女友感情好淡，跟住逢親返香港同澳門做嘢呀賭錢呀，就叫人上門去慰藉佢。嘩！即係想連 call「小姐」嘅錢都慳番啫。吖，唔知點解個番書女真係咁傻，送咗好幾次免費「外賣」呀，陰功！
媽咪姐只想講，色字頭上一把刀！做嘢都未掂，又搞咁多嘢，好自為之啦。
全站熱搜
留言列表
