close



小特搜

蛇年暖寶

2013年02月08日 ~~ 第915期 忽然１周

天氣乍暖還寒，一日溫差有成五、六度，年廿九又話跌到得十三度，認真誇張。上期媽咪姐已搜刮幾位女藝人嘅禦寒大法。今期再接再厲，由葉翠翠、朱慧敏等向大家介紹獨門兼環保嘅保暖秘技，等大家可以過一個暖笠笠嘅蛇年。

葉翠翠慳電暖風機


一到秋冬，葉翠翠必定帶住呢部手提式暖風機開工。「我返到無綫化妝間，第一時間幫呢部暖風機叉電。因為部機有貯電功能，都用到兩日一凍就向住個身起勢吹。部機跟咗我五年喇！」連電都用公司嘅，葉翠翠認真善用資源。

流動暖手器




除咗慳電暖風機外，葉翠翠仲有呢個流動暖手器，「呢部機嘅熱力好犀利，有時會少少辣到隻手㖭。」 

朱慧敏陳年泳手厚褸




朱慧敏唔用電器，於是就用最傳統嘅方法取暖——着褸。「呢件大褸有十幾年歷史，因為運動場館冷氣特別凍，所以呢件褸係職業游泳隊出賽前着嗰種大大件厚褸，可以由頭笠到落腳。啱啱紅色又有新年氣氛，着去拜年都幾好㗎！」 

梁舜燕自家毛領




80歲梁舜燕依然有心有力服務無綫，但老人家始終零舍怕凍，所以佢除咗暖包貼身之外，仲將以前買落嘅皮草嘅領拆出嚟暖頸。「天氣唔係好凍嘅話，我就只係拎條皮草領，包住條頸，唔好俾啲風入到身。」 

黃智雯家用暖被




黃智雯喺媽咪提議下，就攞咗屋企張被開工。「無綫錄影廠嘅冷氣凍到好似零下咁，媽咪知道呢個情況後，就叫我喺屋企攞張被返工。張被係大件咗啲，不過勝在可以包住我成個人。平時我都會放張被喺架車度，夜晚拍外景都唔驚。」 

arrow
arrow
    全站熱搜
    創作者介紹
    創作者 litalife 的頭像
    litalife

    818 娛樂八掛大放送★

    tvb4life 發表在 痞客邦 留言(0) 人氣()

    E-mail轉寄