close
我哋惺惺相惜呀！（設計對白）
同行唔一定係敵國。黎耀祥、陳豪兩大視帝合作，完全冇爭戲份同不和新聞。相反，兩人仲經常吹水，老友鬼鬼㖭。
媽咪姐
視帝好口福
俗語有云：「人怕出名豬怕肥。」媽咪姐非常唔認同！事關有時出名都好多着數㗎，睇吓陳豪（ Mo）同黎耀祥兩大視帝就知啦！
話說祥、 Mo最近合作拍新劇《傳愛事務所》，早排喺錦田山卡罅村屋拍外景，雖然山長水又遠，但祥仔啲 die hard粉絲專程帶埋熱咖啡去探班，窩心又忠心。
阿 Mo陳豪呢，都唔弱噃。得到屋主黃太熱情款待，陪吹水之餘，更煲埋住家無味精木瓜湯俾佢飲。平時掛住飲咖啡嘅阿 Mo，都忍唔住放低咖啡杯嘆番碗靚湯，仲不停大讚：「正呀正呀，其實男仔同女仔都需要飲多啲湯水潤吓！」原來阿 Mo都鍾意飲住家湯，咁陳茵媺你識做啦！
視帝祥啲 fans山長水遠帶埋熱咖啡去探班。祥仔當然識做，同佢哋閒話家常。
視帝 Mo行過見到，用私家咖啡同祥仔乾杯。老友到呢！
屋主黃太肯定係阿 Mo粉絲，唔止免費借屋拍戲，仲煲埋靚湯俾佢飲。
嘆緊靚湯之時，唔知有冇掛住同樣拍緊劇嘅陳茵媺呢？
全站熱搜
留言列表
