close
我哋好 happy呀！（設計對白）
千嬅有老公丁子高安排生日會，又陪切蛋糕。難怪千嬅既開心又感動。
媽咪姐
楊千嬅生日 high爆
2月 3日係千嬅嘅 39歲生日，亦係佢榮升媽咪之後首個生日。出名錫老婆嘅丁子高，特別為愛妻安排生日派對，場內布置都係用千嬅最鍾意嘅紫色為主。當晚雙方父母、甄子丹夫婦、蔡一智夫婦、黃偉文、樂易玲、黃佩霞，林夕等都有到賀。當然半歲囝囝丁進諾（ Torres）亦一定在場啦！千嬅、丁子高夫婦亦趁機介紹囝囝同朋友打個招呼，連汪詩詩都話見完 Torres咁乖咁得意，令佢同子丹都有衝動再生㖭。踏入 12時，老公丁子高陪千嬅切蛋糕，兩人喺眾親友要求下合巹交杯兼咀嘴， sweet爆！
當晚楊媽（左二）及丁媽（右二）都出席。千嬅仲公開多謝兩位媽咪嘅照顧。
古天樂經理人 Ronnie都有出席，仲將同千嬅一家三口嘅合照放上網。
生日前夕 2月 1日，千嬅在銅鑼灣接受《 May姐有請》訪問，見佢同馮美基有講有笑，心情靚爆。
離開時動用咗 6名男友人幫壽星女搬禮物上車，果然人緣極佳。
千嬅同丁子高玩到凌晨 2點幾先 high爆上車。
全站熱搜
留言列表
