一眾模最近集體北上打碟做DJ爭飯食，最成功莫過於成功轉型、致力攻強國拍劇搵人仔嘅娜姐周秀娜，拍戲拍劇又賣bra。一手捧紅娜姐的經理人公司近日再有新搞作，聯同淘寶網搞「淘女郎」，畀網上商家bid嚟做私模，呢班模喺內地稱為淘寶mm（mm意思為美眉、妹妹），佢哋喺淘寶網上個個冇底價，任你開價bid到好價，就任你影。不過一班香港淘女郎仲未開店，想bid？等多幾個月啦！
港版淘女郎
香港區「G.M.E淘女郎」家由8個17至27歲港女組成，G.M.E稱會不設上限陸續加入新血，遲啲唔知會唔會好似AKB48咁多人呢？
淘女郎係乜？
「淘女郎」一詞，其實早於10年3月已經喺北京開始發展，至今內地淘女郎已達2萬9千多個，而香港版的「淘女郎」則剛開始起步，以Chrissie為首的港版「淘女郎」則有20多位女生，即將推出。
Chrissie都係淘女郎
香港區淘女郎，可能因為剛成立，連師姐Chrissie及Jeana等人都仲未有人叫價，好似失威咗啲。
網絡發達，內地時不時就有批巨乳模晒私相變網絡紅人，搞到模都要搵多條出路，而內地大型網站淘寶網最近就與Chrissie的一班新師妹，搞咗個淘女郎活動，專門吸納一些美眉做model，仲以網購形式sell models，客戶上網bid啱價錢，就可私影模。
每個女唔同價
其實早於2010年北京已經有一班「淘女郎」，而香港區的Chrissie師妹淘女郎亦即將推出。據Chrissie經理人公司G.M.E發言人Iris話：「呢班『淘女郎』主攻內地市場，主要喺深圳、廣州及杭州呢三個地方拍攝，因為呢三個地方有我哋嘅studio，班女仔每個價錢不一，視乎佢哋人氣及公司認為佢哋值幾多錢。客人出價要視乎影乜、影幾耐及拍攝地點，交通住宿機票全部由客人畀晒，班淘女郎係以合約及月薪計，通常合約以3至5年為期，而佢哋除咗做網拍model外，我哋亦會畀佢哋試多啲其他嘢！」
力捧雙嬌
呢班Chrissie師妹中，據知8人當中已鎖定力捧其中二人，就是17歲的貝兒和Kabby，遲吓仲會狂谷二人去電影試鏡，希望多線發展。剛中學畢業，同樣17歲就選擇做淘女郎的Kabby和貝兒，知道將受力捧梗開心，兩人不約而同話：「冇諗過做模出寫真，我哋想透過『淘女郎』打入國內市場。（有冇想過超越師姐？）我哋只係啱啱起步，會以佢哋為目標，希望做得好過佢哋啦！」
另類淘女郎
號稱中國最大網模平台的淘女郎網，內地早於2010年3月正式成立，內地的淘女郎，只要於淘女郎網上建立賬戶，上載照片即可參加，亦因為咁，網站至今已有2萬9千幾個淘女郎，雖然大部分都屬美眉，但樹大有枯枝，唔愛美眉，亦有其他可供選擇！
周秀娜兵團
以「乳模始祖」周秀娜為首的model，除咗有新舊8模外，仲有新血Lemon Beez及最新的「G.M.E淘女郎」，近期隨着師姐Chrissie北上發展，一眾師妹準備接力！ ####
近期絕少在港蒲頭的Chrissie，如今主攻內地市場，上年喺內地孖住方力申拍《唐朝浪漫英雄》（圖），家又再度合拍《非狐外傳》。
「G.M.E淘女郎」中重點力捧呢兩位17歲的model，貝兒（左）及Kabby（右），一樣喺微博上發掘出嚟做「G.M.E淘女郎」。
Kabby Kabby未成為淘女郎前已經係model，為報紙雜誌拍硬照，而佢亦經常活躍於微博及上載自拍照。
貝兒貝兒話自己F.5畢業就做model，佢話好唔鍾意讀書，想趁青春快啲賺多啲錢咁話！
第一胖模以肥人大碼size突圍，亦因400磅身形成為第一位上央視節目，更被稱為「中國第一胖模」，成為淘女郎中的另類搶手模。
強國村婦淘女郎中亦有重口味女等待被挑選做網拍model，好似呢位叫楊軍的超齡村婦，真係夠晒驚喜囉！
PS人魔內地PS達人走火入魔，淘女郎中都有班PS達人，好似楊馨雨PS過火，可能因為咁搞到仲未有人bid佢做model。
Chrissie攻內地近年主攻內地市場北上掘金，除狂拍電影外，更喺內地接拍多個廣告及活動，賺到笑。
舊8模分拆上市當中有啲已沉寂未有搞作，淨得Annie G.及Hailey G.組成的Monster Beez以視覺系DJ打碟發展。
新8模轉型發展當中以Jeana發展得最成功，家亦學師姐Chrissie轉攻電影界，前排更踏足舞台劇，反應甚佳，而好姊妹Hidy亦與新8模中的成員組成Octo Beez。
Lemon Beez封胸賣聲 Lemon Beez由韋彤和聖殷兩個女仔組成，同師姐們唔同嘅係，以可愛清純做賣點，擺明封胸賣聲，將於今年出碟。
留言列表
