我得寵：百厭孖寶 撻着傅嘉莉 5,652 
■傅嘉莉對家中的BeBe和GeBe疼錫有加，把最好的都給牠們。
由模特兒轉型做演員的傅嘉莉（Kelly Fu），近日再跳入公仔箱演出無綫新劇《衝上雲霄2》。傅嘉莉養了兩隻愛貓BeBe和GeBe，一長毛一短毛，一雄一雌，異常合拍，性格儼如小狗聽教，但偶爾發脾氣又太過黐身，傅嘉莉惟有軟硬兼施馴服兩隻百厭星。撰文：麥佩儀
傅嘉莉早年曾經養狗，但後來有一段時間沒有再養寵物，她表示之後想再養寵物，但因已出來社會工作，沒有很多時間照顧，因此覺得養貓似乎比較適合，不過始終未養過，傅嘉莉對貓認識有限，故此她之前曾花不少時間上網搜集資料，了解飼養及貓的基本資料，做好功課才再細心考慮。
傅嘉莉為更了解貓的特性，因此一有時間便逛寵物店：「其實我只係想去睇吓啲貓，喺舖裏面我都是但攞啲貓嚟抱吓，但係好多隻都同我冇乜眼神接觸，抱抱吓又跳咗落地，冇乜感覺。」但突然從身後某個位置傳出很嗲的貓叫聲，令傅嘉莉好奇地看個究竟，眼前出現一隻被剃光毛的貓，十分怪相，她說：「隻貓當時只有頭有啲深色長毛，但個身剃晒啲毛，留番一撮白色短毛，搞到佢好似着咗件白色踢死兔。」
■GeBe屬摺耳短毛品種，圓頭大眼正是牠的特徵。 
■BeBe是長毛捲耳貓，性格卻有點似小狗，聽話又好動。 
■GeBe（左）及BeBe雖然品種和性別都不同，卻似足兩兄妹。 嬌嗲最抵錫
原來這隻古怪貓就是BeBe，雖然當時已有八、九個月大，但卻比小貓顯得更嗲，當傅嘉莉抱起牠時即發出咕咕聲，又用小腳和頭搓向傅嘉莉的手，表現異常熱情及開心，傅嘉莉更笑稱當時BeBe的眼神十足叫她帶自己回家。
雖然跟BeBe初見面有好印象，不過傅嘉莉依然保持冷靜，回家後先跟朋友商量，她說：「始終佢價錢唔平，好多嘢考慮，所以要平靜諗一諗先做決定。」經過這五年跟BeBe的相處，傅嘉莉形容最後決定帶到牠回家是很幸運：「BeBe嘅性格真係好似狗，動靜都得，會送我出門口又等我返屋企，鍾意沖涼同學嘢又唔會四圍抓，我企浴缸佢又扮我企喺度。」不過BeBe無時無刻也要得到主人的注意，傅嘉莉坦言有時也會覺牠煩，加上自己不能時刻陪伴，因此傅嘉莉決定為牠添個伴。
■可以養到BeBe，傅嘉莉形容自己很幸運。 為病貓喊爆
傅嘉莉說：「養咗BeBe年半之後就養GeBe，佢就真係由BB開始養，返嚟只有兩個幾月大。」雖然BeBe和GeBe年紀、品種及性別都不同，但卻十足兄妹，GeBe很尊重BeBe，所有好東西必讓BeBe先嘆，難怪相處融洽。BeBe曾經試過腸胃不適，可能因糧食不當結果搞到一日嘔十幾次，傅嘉莉說：「醫生用剔除法去搵出原因，見BeBe做好多test好辛苦，探完佢我返到屋企都喊又失眠。」
但當時身為模特兒的傅嘉莉直言，眼神對她的工作來說非常重要，工作時要壓抑心情，情緒不能被眼神出賣，她坦言亦對自己是一種很好的訓練。
■傅嘉莉跳入公仔箱拍《衝上雲霄2》，跟吳卓羲、吳鎮宇及胡定欣合作。微博圖片 呷工人醋
現在傅嘉莉不但做模特兒，更加轉型做演員拍電影拍劇，因此更少時間陪伴愛貓BeBe和GeBe，幸好有工人姐姐代為照顧兩隻百厭星，但她又無奈地說：「我發覺佢哋越嚟越黐姐姐，搞到我有啲呷醋，所以我都要分番多啲時間嚟陪佢哋先得。」
留言列表
