close
句句金
句句金
成龍日前接受《人物周刊》訪問，又再發噏風，指香港唔應該咩都鬧咩都遊行。
應該規定甚麼可以遊行，甚麼不能遊行。
喂，《基本法》賦予香港人遊行權利，大哥你究竟有冇睇過㗎？
「遊行管制論」一出，民間即時好大反應。自知衰多口嘅大哥兩日後出席《十二生肖》首映禮時補鑊，希望平息是非：
我詞不達意，只希望多點包容，社會才會和諧。
第一次都話包容啫，大哥你都唔知衰過幾多鑊，包容都有個限度喎！
事件愈鬧愈大，有網民更決定罷睇《十二生肖》。成龍竟豪氣表示唔擔心，皆因有世界票房，佢仲繼續挑釁，
你寫我唔死，鬧我唔死，現時的成龍甚麼都是開心的。
咪係喎，開心就好囉，咪開口就得嘞，唔該。
藝人寸爆回應
蕭若元喺微博話，一個人讀得書少就應該慎言。佢仲引用《 1984》名句：
「無知就是力量」，放在成龍身上真是最好不過。
舊愛吳綺莉被問到點睇成龍嘅「遊行管制論」，佢暗寸咁話：
港人遊行一定有佢理由，如果唔係有時間 BBQ好過啦。
好友曾志偉一向妙語連珠，今次佢明撐暗諷：
我很佩服他，很敢講，但他那時應該在睡覺吧！
全站熱搜
留言列表
