close
着住型爆制服嘅柏林仔，拖實靚老婆進場時，真係好鬼 sweet。
媽咪姐
柏林仔仍然最威
大個仔囉。 90年代紅遍家家戶戶、仲曾經代表香港人向未身故嘅戴安娜皇妃獻花嘅冬菇頭、笑容帶酒窩嘅可愛童星鄭柏林，眨吓眼已經 27歲，效力警隊嘅柏林仔，下月更晉升為高級督察㖭。
人逢喜事，上周六（ 15日），柏林仔喺佐敦逸東酒店筵開 35席，迎娶拍拖兩年嘅靚女 OL女友劉律心。
最難得係，柏林仔離開娛樂圈咁多年，佢大婚依然有好多猛人俾面出席，包括名導杜琪峰及陳木勝、吳孟達、前廣播處處長張敏儀等等，你話係咪同當年獻花俾戴妃一樣咁威？
童年時一直賣可愛的柏林仔，其婚照亦不忘擺出 cute爆甫士，與年輕索老婆十分合襯。
齋睇呢張包含一眾演藝人同名導嘅相，肯定以為唔係大明星就係名媛出嫁。小柏林咁威，功勞有一半歸於人面廣嘅鄭媽媽（右二）。
全站熱搜
留言列表
