close
今日志雲拎遮
周二（ 18日）當日綿綿細雨，向來萬全準備嘅王喜竟唔記得帶遮，志雲即拎住自家灰色縮骨遮，笑言要遮埋對方，相當好兄弟。
媽咪姐
又再上庭 志雲唔捧舊東家場
都話無綫門面功夫做得好！以往喺頒獎禮等人多謝嘅陳志雲，如今身上不再流住 TVB嘅血，講嘢唔使顧忌，更加唔需要 hard sell。即使無綫搞「全民投票」，佢都冇任何表示，仲直認不諱：「真係無睇頒獎禮呀！」
以前王喜擋雨
以往每一次出庭，王喜必定準備雨傘，幫志雲遮風擋雨。《蘋果日報》圖片
咁又難怪。自離職後，志雲一方面喺商台大展拳腳，一方面忙官司。本周二（ 18日），因涉貪案佢再度上庭。咦，乜唔係判咗無罪呢咩？原來上訴庭已撤銷之前嘅裁決，仲發還區域法院重審。如今法官、控辯雙方因判詞未達成共識，將案件押後至明年 2月 20日審理。
官司雖然拖到末日都未完，但志雲離開時一直保持微笑，仲打趣跟「風雨同路」嘅王喜講：「如果有雨，今次等我遮番你啦。」心情似乎唔錯。 
全站熱搜
留言列表
