傳有藝人頂證 曾志偉 黃浩 勝利出巡 曾志偉 波照踢酒照飲
■黃浩昨日封嘴避談掌摑事件，但就風騷穿上紅tee四圍去。
【飯局風波之風騷攞彩】曾志偉為飯局藝人出頭，本月5日在一婚宴中，跟徐淑敏（Suki）老公黃浩起爭執，涉嫌掌摑黃浩，警方前日以涉嫌普通襲擊及刑事恐嚇拘捕志偉，其後獲保釋候查。據知當晚有出席婚宴的藝人為自保向警方頂證志偉，而黃浩昨早風騷出巡，先揸320萬林寶堅尼外出，下午再與Suki改坐約60萬Hummer吉普車往中區警署落口供。
捲入藝人飯局的徐濠縈、何超儀和李璨琛等早前透過律師發聲明，令不停就事件爆內情的黃浩馬上收聲，黃浩連日封嘴避談事件。而本月5日黃浩在落選港姐鄭嘉雯和晨曦足球會班主兒子周志豪婚宴中涉嫌遭曾志偉掌摑，當晚黃浩被打後即報警，前日志偉被捕，並由現職大律師的前藝人盧敏儀陪同由警署保釋離開。有傳目睹當晚事件的藝人為自保，向警方作供頂證志偉，黃浩昨日即風騷偕老婆徐淑敏坐名車出巡攞彩。
目擊事件侍應願出庭
陳奕迅（Eason）早前被傳因藝人飯局事件而聯絡演藝人協會主席志偉幫忙平息風波，月初在鄭嘉雯的婚宴上，黃浩和志偉撞個正着，據知當晚不少圈中人在場，Eason和志偉的好友梁漢文、苗僑偉、林國斌、洪天明、邱淑貞老公沈嘉偉等都是座上客，席間有人叫黃浩過枱，梁漢文先點火頭指摘黃浩，其間黃浩跟志偉起爭執，黃浩涉嫌被志偉掌摑，有指當時梁漢文、沈嘉偉和洪天明曾上前勸交。
【320萬林寶堅尼】
■黃浩昨日心情大好，親自駕駛掛上「SKV」車牌、價值320萬的黃色開篷林寶堅尼離家。 
【60萬Hummer】
■徐淑敏昨午乘坐掛上車牌「MYSTAR」、約60萬的Hummer吉普車，往四季酒店滙合黃浩去警署落口供。
警方高度關注事件，當晚志偉由苗僑偉和林國斌陪同到中區警署，事發當晚做和事老的沈嘉偉、梁漢文及目睹事件的多位藝人等，近日先後被邀到警署提供資料。據知當中有藝人為自保，向警方提出不利志偉的證供，加上酒店的閉路電視拍下部份片段，以及有侍應願出庭作證，基於侍應跟黃浩及志偉不認識，故警方決定拘捕曾志偉。
現年59歲的志偉前日被捕，暫准保釋候查，下月中需向警方報到。事件有突破發展，連日沉默的黃浩昨日外出，不但穿上代表喜氣洋洋的紅tee，還親自駕駛「SKV」車牌的黃色林寶堅尼開篷跑車，還做埋黑人保鑣的柴可夫，勝利出遊。昨早11時多，黃浩與保鑣便離開大埔寓所往尖沙嘴，中午後再過海往中環四季酒店。及至近下午5時，Suki則坐「MY STAR」車牌的黃色Hummer吉普車，由司機送來接埋黃浩，然後兩夫婦再到中區警署落口供。
■曾志偉前日被捕後保釋候查，離開警署即往九龍仔業主會。 
■曾志偉被捕後，有傳麥當勞考慮抽起其廣告。
■志偉在事發當晚，由眾藝人好友送上車。
資料圖片 
■（左起）佘詩曼、梁靖琪、周家蔚和文頌嫻昨晚開末日P狂歡。 麥當勞拒評論事件
有傳志偉形象插水被飛出麥當勞廣告，負責該廣告宣傳的偉達公關發言人Ecila昨在電話回覆：「客戶話曾生呢件事唔評論。」香港麥當勞董事總經理黎韋詩昨日也說：「我諗唔方便講，我放緊假。」
採訪、攝影：羅德光
志偉末日P狂歡 25,711 
■阮兆祥笑言要向保釋候查的志偉發問，解開疑團。
正保釋候查的曾志偉昨晚約齊圈中好友到觀塘開末日P狂歡，昨晚8時多，大肚周家蔚、梁靖琪、苗僑偉夫婦、佘詩曼和阮兆祥等先後到場，大家都帶食物來分享。
祥仔笑言晚上會玩殺人放火狂歡，問到他可會慰問志偉？祥仔講笑說：「我『問候』佢，我驚，應冇乜嘢，落口供啫，好多問題我想志偉解答我。」阿佘和梁烈唯都避談志偉被捕。
採訪：黃曉妍
攝影：黃文偉
律師話：最高刑罰入獄五年 16,834
曾志偉涉掌摑黃浩被捕，記者昨致電律師黃國桐了解，若志偉被判有罪，最高會面臨甚麼刑罰？他表示被控普通毆打罪機會較高，如果初犯，裁判官會考慮疑犯打人的理由，最高刑罰可判監12個月及留案底。至於刑事恐嚇則是嚴重罪行，他說：「如果有暴力再加刑事恐嚇，又要求人哋做某啲嘢，令到人恐懼，就係刑事恐嚇，最高刑罰監禁五年。」過往都有藝人因傷人而判罪。
吳鎮宇
前年在麪包店打傷一男顧客，被判襲擊罪，罰款一萬元及留案底。
黃浩
前年向記者吐口水，被判普通襲擊罪成，守行為一年。
吳浩康
05年在酒吧涉嫌傷人被起訴，最後無罪釋放。
鄭中基
00年在一航機上醉酒鬧事，機長也遇襲，結果鄭中基在洛杉磯被控行為不當罪名，罰款2,500美元及守行為一年。
資料來源：《蘋果》資料室
Eason吊高開騷
阿徐着皮草遭狂轟 31,564 
■阿徐在facebook晒新皮帶，怎知身上皮草惹來謾罵。
【飯局風波之再惹是非】
徐濠縈近日因飯局風波而成為新聞人物，有指上月底阿徐到東京瘋狂購物狂掃皮草，昨日她在facebook上載新相，原本她滿心歡喜大晒Fendi belt，怎知身上的皮草惹來網友狂轟，連Eason都被鬧。
徐濠縈近日是非多多，除涉及飯局風波外，愛將新裝放上網的她，昨日上載一張新相到facebook，原本她滿心歡喜晒腰間的Fendi belt，但怎知身上的灰色皮草卻成為眾矢之的，即時惹來網民的狂轟，力斥她殘忍、虐待動物，更是滿手鮮血的兇手，有網友留言：「攬條屍上身都叫靚，家人啲心態真係特別。」更有人希望她為女兒康堤積福。
■有網友留言大鬧阿徐着皮草殘忍。 鬧Eason娶錯妻
有網友連Eason也鬧埋一份，狂數Eason無眼光娶錯妻，更指阿徐無論穿甚麼都不及與Eason曾傳緋聞的謝安琪美麗。
阿徐近日甚惹是非，Eason就專心工作，昨日他到澳門奧林匹克體育中心運動場舉行第66場「DUO陳奕迅2012澳門演唱會」，亦是其世界巡迴演唱會的最後一站，雖然阿徐未有撐場，但她在微博與Eason打情罵俏，大晒恩愛。
Eason昨日全程沒接受訪問，似避談飯局風波，但他在台上表現high爆，興奮時更拉高上衣露豬腩肉，似乎未有受阿徐的是非影響心情。
女歌迷讚靚仔
Eason獻唱幾位已故歌手羅文、陳百強和張國榮的歌曲，有女歌迷讚他靚時，他即抵死說：「我有咁靚嘅父母同經理人，我點會唔靚，我成日睇靚嘢。」並用國語、英語及廣東話發言，並指：「啲人好偏激，廣東人就講廣東話，聽不到就慢慢學習，I can sing for you with my whole body。」之後他又邀請一名沒有雙手的澳門男子Romeu上台合唱，自爆是從YouTube上發現對方，大讚他唱歌有熱誠。
此外，有份出席飯局的李璨琛前晚在微博留言：「人生總是會碰上很多不同的人！」
採訪：李珮洳
攝影：陳慧安
黃浩夫婦助查 志偉波照踢酒照飲
曾志偉因涉掌摑恐嚇黃浩，被警方拘捕正保釋候查，昨晚「波照踢、酒照飲」的志偉，首度開腔談及心情，他透露收到過百電話慰問，感到人間有情，並坦言：「司法係公正嘅！」另外，據知，因部分知名人士證人均表示沒有目擊事發經過，昨日黃浩與太太徐淑敏再到警署助查，不排除還有出席婚宴人士被邀提供當晚資料。
藝人飯局事件引發的掌摑風波，因前日曾志偉被拘捕，再次引起全城關注，而涉嫌在前港婚宴上掌摑黃浩正保釋候查的志偉，心情無損，昨傍晚時分，如常相約好友在樂富足球場踢波，神采飛揚的他見到記者亦有主動上前打招呼，當提到遭警方拘捕一事，志偉說：「其實我冇嘢可以講，因為係調查中，我覺得司法係公正！」
感嘆人間有情
談到現時的心情，志偉首度開腔表示事件發生後，感到人間有情，他說：「好開心好多人關心我，今朝八點幾到剛才，電話響到冇晒電！好耐冇聯絡嘅人都有打嚟！真係人間有情。（太太擔心？）個個朋友都擔心啦！（下月中是否要向警署報到？）只係轉擔保！」
黃浩昨午在保鏢陪同下到中環警署。
志偉在球場上肉緊踢波，似忘掉一切不快事。
對於之後到觀塘出席「攬炒末日派對」，與一眾藝人好友玩餐飽，問到他會否避嫌暫時不飲酒？志偉High爆表示會繼續暢飲：「梗係飲！話咗攬炒！」對於被記者讚瘦了少許，他笑言可能未吃飯肚腩變小！對於黃浩昨日往警署助查，志偉則不作回應。
黃浩與徐淑敏昨日到中環警署，並一同離開。
放大圖片
兩人木無表情
另一邊廂，黃浩當日報稱被志偉掌摑後，據知曾向警方提供知名人士做目擊證人，但其後警方傳召提供資料時，知名人士均表示「乜都睇唔到」，因此黃浩昨需再到中區警署提供進一步資料！昨午五時多，他與太太徐淑敏（Suki）到達中區警署，期間兩人均木無表情，黃浩更一度掩面避鏡頭，至九時許，兩人離開警署，黃浩先送Suki往四季酒店，其後到九龍區另一酒店，行色匆匆未有接受記者提問。據知，昨晚黃浩與另外一些證人在警署內重組案情，而徐淑敏則就禁錮恐嚇事件提供資料。
周家蔚(左)、文頌嫻
梁烈唯與女友
錢嘉樂與大肚盈盈出席末日派對。
另外，梁漢文及沈嘉偉曾到警署助查，昨日梁漢文被問到是否曾向警方表示看不到事件經過？他透過短訊回覆「唔再回應」。
採：影視組、追蹤組
阮兆祥赴末日P撐志偉
志偉昨晚相約大批好友在觀塘某工業大廈舉行「攬炒末日派對」，獲群星力撐！佘詩曼、阮兆祥、錢嘉樂、湯盈盈、梁烈唯、苗僑偉及戚美珍各自準備不同食材到場。阮兆祥手挽大袋蔬菜，問到派對有甚麼搞作？他冇厘正經地說：「打邊爐、嗌到會，殺人放火咁囉！順便慶祝錢嘉樂、梁烈唯攞獎。（問候志偉？）佢需要咩？我問候佢？我驚……其實都冇咩嘢，落口供啫！
我仲有好多問題想請教佢。」梁烈唯拖實女友Tina到場，問到會否慰問志偉？他說：「呢啲唔講喇！（擔心？）唔擔心！」阿佘同樣未有回答有關提問，不過就與好姊妹梁靖琪及文頌嫻扶實腹大便便的周家蔚入場，錢嘉樂則透露志偉已向他報平安，不用太擔心。
佘詩曼(左)、梁靖琪
賓客當時做緊乜？
當日前港姐鄭嘉雯婚宴，出席賓客冇一千都有幾百，但眾星均表示「睇唔到」志偉與黃浩衝突經過，究竟當時大家做緊乜？
梁烈唯：「我當時喺台上唱歌，不知事發經過。」
范振鋒：「我做司儀，唔知發生乜事。」
范振鋒
鄧建明
周家蔚
曾華倩
商天娥
鄧建明：「因為早走，所以見唔到有事發生。」
周家蔚：「我當時淨係望住新郎哥唱歌；老公洪天明就成晚都係同朋友傾偈，做番佢平時做嘅嘢。」
曾華倩：「放低利是就離開，都唔知有事發生。」
商天娥：「雖然坐喺黃浩隔籬枱，但唔知咩事，全場都好興奮。」
Eason封嘴專心開唱
【曹家誠澳門直擊】陳奕迅（Eason）的太太徐濠縈因「藝人飯局」跟黃浩鬧出是非，而曾志偉亦捲入掌摑風波被捕。早前曾與阿徐共同開記招闢謠的Eason，昨日到澳門開騷，心情絲毫未受影響，全程High爆又唱又跳，跟一眾舞蹈員齊齊扭籮兼在地上打觔斗，更除去外套露出豬腩肉，相當風騷。不過Eason完騷後未有受訪，只透過唱片公司表示今次巡演畫上完美句號。而阿徐昨晨在微博轉載一張老公的床照，並留言「起身啦！」看來心情也頗輕鬆。
陳奕迅自揭腰間「豬腩肉」，心情不俗。
傅明憲：佢一定大步檻過
傅明憲（Gigi）昨出席香港愛護動物協會活動時，對曾志偉被捕一事表示：「佢係我好尊重嘅前輩，佢好有責任心，有咩天災人禍都幫手。就嚟2013年，佢一定會逢凶化吉，大步檻過，我實撐佢！（有冇打電話畀佢？）冇，唔會因為咁小事煩佢。」至於蘇志威昨被問志偉被捕一事時表現驚訝：「係咩？咁大件事，你哋講我先知！」他又稱不會致電志偉查問，因未清楚發生何事。
張衞健開雞店招呼老友
張衞健昨日到電台宣傳新歌，談到老友志偉涉掌摑黃浩而被捕，健仔好大反應說：「吓！志偉認咩？」記者轉述事件後，他即淡定說：「第二個遇到就話擔心啫，佢遇到我就唔擔心，佢有足夠IQ、EQ去應付，咩大風大浪未見過，對佢有信心，佢冇事嘅！（會唔會打電話去慰問佢或者寸佢？）我會打畀佢，講我開咗間新嘅花雕雞，有VIP房，問佢嚟唔嚟！」
此外，談到相隔十年再推出廣東歌《流氓伉儷》，健仔說是送畀太太張茜的情歌，感激在他破產邊緣齊對他不離不
冇證人也能定案
曾志偉捲入掌摑事件後，有傳黃浩提供的證人大部分「睇唔到」，黃國桐律師指證人多寡其實不重要：「最重要其實係個證人口供要實在，有時一個口供實在、話『睇到』嘅證人，好過廿個話『好似睇到』嘅證人。當然，證人嘅可信性都好緊要，例如有冇利益衝突咁。」就算未有目擊證人，亦不表示不能定罪，黃律師說：「始終我哋會考慮受害人唔會空穴來風，因為報假案係犯法，例如非禮、強姦等案件，好多時冇目擊證人都可以定案，最重要係各人嘅口供。」
志偉照隊酒 黃浩再助查
曾志偉因涉嫌掌摑徐淑敏老公黃浩，前日遭警方拘捕保釋候查，不過其心情未受影響！昨日不但波照踢，更揚言會於「攬炒末日派對」繼續酒照飲！黃浩昨日則在徐淑敏陪同下到警局協助調查，木無表情！另外，不排除更多出席當晚婚宴的人士要提供資料。
藝人飯局事件引發的掌摑風波，因前日曾志偉被拘捕，再次引起全城關注！而涉嫌在前港姐婚宴上掌摑黃浩、現正保釋候查的志偉心情無損，昨日傍晚如常約好友在樂富足球場踢波，神采飛揚的他見到記者亦有主動上前打招呼，當提到遭警方拘捕一事，他則說：「其實我冇嘢可以講，因為係調查中，我覺得司法係公正！」
志偉感受人間有情
談到心情，志偉首度開腔表示事件發生後，感受到人間有情：「好開心好多人關心我！今朝8點幾到剛才，電話響到冇晒電！好耐冇聯絡嘅人都有打嚟！真係人間有情！（太太擔心？）個個朋友都擔心啦！（下月中係咪要向警署報到？）只係轉擔保！」
對於之後到觀塘出席「攬炒末日派對」與一班藝人好友玩餐飽，問到會否避嫌暫時不飲酒？志偉High爆表示會繼續暢飲：「梗係飲！話咗攬炒！」對於被記者讚瘦了少許，他笑言可能未吃飯而令肚腩變小！對於黃浩昨日往警署助查，志偉則不作回應。
徐淑敏提供資料
另一邊廂，黃浩當日報稱被志偉掌摑後，據知曾向警方提供知名人士做目擊證人，但其後警方傳召提供資料時，知名人士均表示「乜都睇唔到」，因此黃浩昨日需再到中區警署提供進一步資料！昨午5時多，他與太太徐淑敏（Suki）到達中區警署，期間二人均木無表情，黃浩更一度掩面避鏡頭。至9時許，兩人離開警署，黃浩先送Suki往四季酒店，其後到九龍區另一酒店，行色匆匆未有接受記者提問。據知，昨晚黃浩與另外一些證人在警署內重組案情，而徐淑敏則就禁錮恐嚇事件提供資料。
另外，梁漢文及沈嘉偉曾到警署助查，昨日梁漢文被問到是否曾向警方表示看不到事件經過？他透過短訊回覆「唔再回應」。
第一手消息請下載on.cc東方互動iPhone/iPad/Android/Windows Phone Apps
專案組、影視組
志偉昨日舉起拇指，盛讚人間有情。
黃浩頭耷耷，並與徐淑敏一同坐車離開。
波照踢
抹抹汗
徐淑敏不接受訪問，心情明顯麻麻。
祥仔帶菜開「攬炒P」
志偉昨晚相約好友在觀塘開「攬炒末日派對」，佘詩曼、阮兆祥、錢嘉樂、湯盈盈、梁烈唯、周家蔚及苗僑偉等撐場。阮兆祥手挽一大袋蔬菜，問到派對有甚麼搞作？他冇厘正經地說：「打邊爐、嗌到會，殺人放火咁囉！（問候志偉？）佢需要咩？我問候佢？我驚……其實都冇咩嘢，落口供啫！」梁烈唯拖實女友Tina到場，問到會否慰問志偉？他說：「唔講喇！（擔心世界末日？）我啱啱拎獎，唔會咁快死呀？但可能有啲事發生！」錢嘉樂則表示志偉已報平安，不用太擔心，而阿佘則未有回應。
錢嘉樂拖實大肚湯盈盈，看來好論盡喎！
祥仔手挽蔬菜，與一班老友開派對。
賓客當晚忙乜？
前港姐鄭嘉雯的婚宴星光熠熠，不過大部分藝人都表示「睇唔到」掌摑事件經過，到底當時他們忙甚麼？
梁烈唯唱歌：「我當時喺台上唱歌，唔知事發嘅經過！」
范振鋒做司儀：「當晚我做緊司儀，唔知發生乜事！」
鄧建明早走：「因為我早走咗，所以見唔到有事發生。」
周家蔚睇唱歌：「我當時淨係望住新郎哥唱歌。」
洪天明（由周家蔚代答）傾偈：「成晚同朋友傾偈，做番平時做嘅嘢！」
曾華倩已離開：「我放低利是就離開，唔知有事發生！」
商天娥興奮中：「雖然坐黃浩隔籬枱，不過唔知（有人吵鬧），全場好興奮！」
佘詩曼、梁靖琪、周家蔚、文頌嫻
范振鋒、李思欣
梁烈唯與女友
張衞健：請佢去我間新花雕雞
曾志偉涉嫌掌摑黃浩而被捕，轟動全城，引起圈中人議論紛紛！
張衞健：「志偉有咩大風浪未見過？有足夠IQ、EQ去應付，對佢有信心！我會打畀佢講我開咗間新嘅花雕雞，有VIP房，問佢嚟唔嚟！」
傅明憲：「志偉係我好尊重嘅前輩，佢好有責任心，有咩天災人禍都幫手！佢一定會逢凶化吉，大步檻過，一定唔會有事！（致電慰問？）唔會因為咁小事煩佢！」
蘇志威：「咁大件事？你哋講我先知，所以都幾驚訝！（打畀志偉？）唔會啦！完全唔知咩事！」
陳志雲昨日出席《維特健靈慈善單車馬拉松2013》活動時說：「唔方便講，多多包涵！不過志偉EQ高，加上喺娛樂圈咁多年，可以處理得好好！」晚上他開P慶生：「今日係慶祝生命，唔係末日！」
張衞健
陳志雲
傅明憲
Eason照開騷免訪問
歌神陳奕迅（Eason）昨日在澳門開騷，雖然太太徐濠縈（阿徐）捲入藝人飯局事件，事件更愈鬧愈大，不過看來未有影響Eason！昨日他落力演出，跟Dancers齊齊扭籮又跳又唱，同時又當眾除衫大晒豬腩肉，High爆全場！不過，完騷後他罕有地未有受訪，只透過唱片公司表示為巡唱畫上完美句號。而阿徐昨晨趁老公開騷前，在微博轉載Eason一張床照，留言叫老公起身，看來其心情也挺愉快！
Eason風騷舉V，看來心情OK。
律師：證人可信性好緊要
有指黃浩提供的證人中，大部分表示「睇唔到」事發經過，黃國桐律師表示證人的多與少不是重點，而是口供是否可靠：「證人嘅可信性好緊要，例如有冇利益衝突！有時就算冇目擊證人，都唔代表唔可以定罪，因為我哋始終會衡量受害人唔會空穴來風，因為報假案係犯法行為，好似非禮、強姦等案件咁，好多時冇目擊證人，憑住受害人嘅口供都可以定罪！」至於多名證人表示「睇唔到」，他說：「好多時睇唔到就睇唔到，總比唔肯定就話『睇到』或『睇唔到』好！」
黃國桐
留言列表
