close


咁無癮,仲點笑得出喎!(設計對白)
反美舊事被挖,令一向笑面佛咁款嘅 Psy,今次一反常態,演出後閃人時,木無表情。

出外埠

Psy鬼祟入白宮

2012年12月21日 ~~ 第908期 忽然1周

憑〈江南 Style〉人氣席捲美國 嘅 Psy,獲邀請出席總統奧巴馬搞 嘅聖誕慈善騷,本來係光榮之極 嘅事。偏偏呢個時候俾人翻舊帳,話佢 8年前曾經唱過爆粗反美歌〈 Dear Americans〉,歌詞入面有「殺死那些虐待伊拉克人質的美國佬」及「用緩慢而痛苦的方式殺死他們」,令美國粉絲及軍人不滿。 Psy知衰,為怕失咗呢個大 market,立即發聲明道歉。不過唔少美國人及軍人唔收貨,除促請奧巴馬將 Psy飛出局之外,更 喺網上發起簽名運動要佢 滚出美國。

事件雖然鬧大,但 Psy如期出席,不過就冇 咗以前 嗰種大陣仗,只係低調閃入白宮,而奧巴馬亦礙於民情,未有如之前所講跟 Psy跳馬舞。為 咗「錢」途,大丈夫 Psy卑躬屈膝都要咯。


Psy喺一片譴責聲中,仍如期出席奧巴馬嘅「華盛頓迎來聖誕節」慈善騷作表演。


礙於美國保守派強烈反應,奧巴馬未能如願跟 Psy共舞,最後只能握手寒暄了事。


02年 Mnet首爾反戰音樂會上, Psy高舉一架美軍坦克模型用力擲落地下,再用咪架將模型砸爛,好激!

 

arrow
arrow
    全站熱搜

    tvb4life 發表在 痞客邦 留言(0) 人氣()