以前人人讚 Ella旺夫，而家老公就快失業， Ella幫夫運彈藥終於用完。
國台扮
Ella老公失業
今年 5月出嫁 嘅 S.H.E成員 Ella，老公賴斯翔雖然只係 响國際護膚品牌公司做打工仔，但多得老婆大人關照，幫口幫手介紹圈內一線明星好友做代言人，令品牌業績不斷創新高，賴斯翔更升任為消費用品事業部總經理。
賴斯翔因為業績差被迫自動離職，另一致命原因有指佢娶 咗個明星老婆太過高調，遭同事排斥，就算今次唔走，都唔慌做得耐。
個個都讚 Ella旺夫，點知升上神 枱後，賴斯翔工作表現開始懶散， 6月份到法國總公司開會，乘機 stay behind多一個禮拜同老婆去玩，之前又因為搞結婚，經常請假 no show，導致 6月份公司業績比預期差成千萬台幣。老細發爛渣，賴斯翔 孭晒鑊，唯有引咎辭職。
對於傳聞，賴斯翔有另一番解釋：「沒錯，我 9月 15日離開工作 10年的崗位，離開純粹是我個人的生涯新規劃。」賴斯翔冇交代去向，但一直有傳佢食「拖鞋飯」，既然有個年賺千萬富貴老婆，搵工唔使急啦！ 
全站熱搜
留言列表
