close
余文樂埋籃底次數唔多，但通通都係無功而回，俾班細路 㩒住入籃。
同你吟一吟
余文樂打波靠把口
余文樂同周柏豪效力 嘅「橫洲工業」籃球隊，上個禮拜四晚（八月三十日）到灣仔同英華書院打季軍賽。對手全部都係十零歲學生哥，已經三十一歲 嘅余文樂叔叔，落場唔夠一陣就扯晒蝦，明知自己唔夠高， mark人爆籃辛苦位由六呎高隊友負責，余叔叔大部分時間企邊站， 响三分波位大嗌「精神 啲」、「主動 啲呀」！
講多過打，余文樂掂波時間有數得計。
唔好輸俾班仔呀！（設計對白）
講多過打，仲要每一節打幾分鐘就要埋位休息：「追到氣咳，我三十一歲，打多兩年都唔打。」好在最終入到一球，交到功課。
至於屬後備位置 嘅周柏豪，二十八歲，比余文樂有心有力得多，可惜身高輸蝕，埋單個人有一球進賬。
比賽結果，橫洲以 65比 63險勝，其實班細路同日下午打 咗場國際比賽，夜晚仲要陪班叔叔打波，讓賽 啫！ 
明知唔夠班仔爭波，余文樂永遠靠邊站等機會入三分波，相反，周柏豪勇得多， mark人爆籃乜都有份。
有專人幫余文樂拉筋，要自己拉筋 嘅周柏豪，唔恨得咁多！
來自台灣 嘅「黑人」陳建州都有 嚟捧場，余文樂話佢 哋遲吓會搵埋林書豪、易建聯，一齊 响紅館搞慈善籃球賽。
全站熱搜
留言列表
