close
蝦餃仔得三歲，說話咬字未係好清楚， Kelly動口動手做翻譯，原來蝦餃仔同記者哥哥姐姐講，話自己今日返學冇喊！
我個仔幾型！（設計對白）
同你吟一吟
星爸星媽開學日 蝦餃仔冇扭計
國民教育令到唔少香港家長好頭痛，不過對於圈中星爸星媽影響唔大，事關佢哋啲仔仔囡囡大部分都係讀國際學校。
9月 3日開學，今年讀低班 嘅「蝦餃仔」，由天后媽咪 Kelly湊放學。新學期新形象，自出娘胎， Kelly一直係「蝦餃仔」私人髮型師，但開學前， Kelly終於破例搵 咗自己御用髮型師 George Shum幫仔仔剪頭髮，雖然髮型變化唔大，但望落明顯專業得多。
舊年讀 BB班，「蝦餃仔」由返學喊到放學，今年做 咗哥哥大個仔，返學終於冇扭計，就算一籮記者哥哥姐姐一齊湊佢放學，都只係扁 咗一陣嘴，算好乖！
問佢返學開唔開心，蝦餃仔嫌閃燈太刺眼，合埋對眼唔答人，之後仲踩阿媽大髀扭抱抱。
一直幫仔仔剪髮嘅 Kelly，新學年開始，改由御用髮型師 George（上圖）出手，蝦餃仔型 咗唔少！
幫仔仔攞書包湊放學，小齊仲留低同啲同學仔吹水。
至於星爸代表，有任賢齊。小齊四歲細仔 Cody就讀 嘅新加坡國際學校，比其他學校早成個禮拜開學，上個禮拜四（八月三十日）小齊做湊仔公接放學，仲同校內其他啲小朋友傾晒偈，嘩，隔幾十代都溝通到，掂！ 
另一個開學熱點女拔萃，唔見彭羚唔見徐濠縈，只係見到鬼鬼祟祟湊放學 嘅李嘉慧，以及身形似到十足 嘅胡慧中母女。
全站熱搜
留言列表
