close

 

本地band勢愈來愈好火，前月「拉闊理想音樂會」有Rubberband、Kolor迫爆九展後，太極又回歸，今日五人樂隊Mr.推出新碟《Misterdays》外，仲處女下海拍埋本星期四上映青春音樂片《起勢搖滾》，教人never give up正面到爆，但五口子背後卻為了如新曲〈人一世物一世〉般，曾放棄了最重要的，究竟有幾重要，今天五人逐個講！

結他手　Mj
夾band令人唔知今日星期幾，仲要去好多宣傳活動，試過有朋友結婚去唔到，阿哥開髮型屋又冇去，夾band第一年又冇畀過家用媽咪，家都好遺憾，所以現在一有時間就會陪家人。年多前戶口得6萬，但我用咗3萬蚊買咗支Gibson 356結他，但樂器始終能用一世，而且同相機一樣有升值能力，家都冇後悔過。

鼓手　Tom
我反而冇後悔過，未組Mr.前冇去澳洲讀Mechanical Engineering。如果當時有飛去澳洲讀書，家吓返來都未體驗過社會，我諗仲係一嚿飯！現在結了婚生咗仔，最想就係快啲儲到錢，搬個更大的屋企，唔需要好大，可能係西貢或者係大圍嘅3層村屋就夠。

主音　Alan
《起勢搖滾》飾演的角色，與現實的我有幾分似，每日都好想去夾band。未組Mr.前，我在加拿大讀書，不過家境唔好，迫住返香港工作，夾band去到現在的成績，我覺得無憾。儲到錢我想買樓，但真係好貴，政府可唔可以幫吓手呀！

低音結他手　Dash
拍《起勢搖滾》，一定有心理負擔，一定有人會話我哋演技唔好，不過能推動本地音樂發展，一試無妨。戲中因為夾band，被女朋友（模Jeana飾）睇唔起而拋棄。現實生活中，未夾Mr.前（4年前左右），我同一位朋友夾份搞網上買賣生意，最後不歡而散。我好相信佢，佢離開令我好唔開心一陣子，好在媽咪、細佬陪在我身邊，令我覺得生活唔係下下賺錢就夠，親人更加重要。

結他手　Ronny
某日我們諗大碟名時，無啦啦就諗到《Misterdays》，其實讀快啲就同miss the days近似，係叫人要掛住old days時，都要正面向未來進發，回首過去，沒有後悔。諗起廿歲仔，我儲咗萬零蚊，自己孭個大背囊飛去英國，係我第一次去旅行，一去就去咗半個月，我覺得做人就是要這樣闖，才有意思。


《Misterdays》由本地潮攝Paul Tsang拍攝，再又前LMF成員阿庭設計，有人話抄足'04日本樂隊東京事變專輯《群青日和》，Mr.話：「5個人來來去去唔係企就係坐咁影，啲道具都唔一樣。」 ####


隊中最愛打扮的MJ，最近就愛上eBay執平潮物，最近就bid咗對皮膝套，唔使1千蚊超有型！


囝囝媽咪係Jamcast女模Leanne，個名卓霖（又叫杜杜）是專程搵風水師改幾個名再揀，Tom話呢個最好聽！


戲中同林欣彤（上圖）及詩雅有接吻戲；戲外就被影到同富豪女拖手，不過Alan堅話樓一定要自己買，有膊頭肯負擔！


當年在網上的生意是為客人於日本代購，家自己上網購物就最鍾意買bass配件，推介www.sweetwater.com，勝在配件多又快運到。


Ronny是5個之中去得旅行最多的一個，如馬來西亞同杜拜，最近就去咗日本休息，順道買結他。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄