close


出事後CoCo即刻執行李飛上海夾實喺當地拍劇嘅大孖，以為箍得掂男友，點知轉頭就收到大孖（英文名Adrian）嘅要脅SMS（小圖），唔心淡就假！

如意狼君

22歲「巨聲幫」大孖周志文，被本刊踢爆瞞住有米模女友袁聖殷（CoCo），偷嗒同樣家底厚的師姐馬賽。惡行被揭，大孖最初死口唔認有女友，後來又反口話已經分手，近日更有初中時期的床照流出，賤男真面目現形。
乖仔形象一鋪清袋，大孖為保事業，上星期竟傳短訊給正印女友CoCo，要脅對方唔准認拍拖！賤招層出不窮，大孖下次斷正會唔會叫細孖幫佢食死貓？


憑《超級巨聲》上位的「大孖」周志文，拍《名媛望族》期間搭上同劇演員馬賽，女方貼埋油錢車大孖返工放工，更車對方到自己香閨過夜斷正，親密程度似拍拖多過拍劇。

「公司唔捧佢」
公然調情，大孖的22歲模正印女友袁聖殷（CoCo）即時做嘢，前週飛上海睇實大孖防小三埋身外，又向傳媒哭訴俾馬賽撬牆腳，但大孖竟然唔肯認同CoCo拍拖，企圖斬纜保形象。CoCo之後又忽然在微博聲明自己「從來唔識一個叫周志文嘅人。」之後大孖更有床照流出。上星期CoCo透過中間人聯絡本刊，踢爆賤男真面目，原來大孖最近以SMS迫CoCo講大話，CoCo話：「佢叫我唔好認我哋拍過拖，如果唔係公司（TVB）就會唔捧佢！」連當面講都唔敢要發短訊，22歲大孖完全冇膊頭喎。

港姐情意結
生得青靚白淨的大孖，表面斯文實則非常open，除咗一腳踏兩船偷食馬賽，又同中學時期的女友影過除剩底褲床照。專吼有錢女，大孖原來偏愛港姐，除馬賽外，亦曾追過2010年冠軍陳庭欣及季軍莊思明，認真識食！ ####


（模擬SMS）


上馬賽屋企斷正，大孖事後與正印CoCo食飯補鑊，但當本刊記者拎出食「賽」鐵證，大孖即心虛避鏡，CoCo就嬲到冇晒表情。


拍《名媛望族》期間，大孖同馬賽假戲真做，結果俾同劇老戲骨韓馬利踢爆，收工後繼續喺電視城拖手。


本刊上月影到馬賽（左）載大孖（右）到將軍澳買水後直奔返家，證據確鑿，但兩人均擘大眼否認。


速食陳庭欣有傳大孖上年拍旅遊節目《新美麗新加坡》時，睇中24歲的2010年港姐冠軍陳庭欣，兩人撻着後交往了一段日子，但最後不了了之。


暗交莊思明同樣因拍旅遊節目認識港姐莊思明，上年1月被影到孖住行街睇戲，大孖更贊助莊思明的《東華》表演，但事後女方表明抗拒姊弟戀，擺明唔吼花心仔。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄