close


難得大陸劇組肯放人，嘉穎返港為《拳王》宣傳，FBI見佢同胡定欣都出盡力宣傳，當日扮打拳，二人都瞓晒身。

最近鄭嘉穎新聞多多，呢頭被《FACE》踢爆同劉心悠撻着、嗰頭與王馨平嘅舊史被電影翻炒擺上枱。前幾日終於為新劇《拳王》回港宣傳兼解畫。


FBI收到風，無綫正力邀劉心悠拍劇，當然要同緋聞男友鄭嘉穎合作先夠話題。其實自傳出緋聞後，兩人都比以前更小心，加上嘉穎留守內地拍劇，見面機會唔多，近呢個月，連身邊密友都話佢兩個匿埋玩，唔知兩人嘅行蹤，但Annie已拍完電影《天生愛情狂》，而今個月嘉穎就會留喺香港谷劇，二人終於有機會「拍拖」，各位行家真係要實喇。 ####


胡定欣喺《拳王》內飾演聾啞拳手，當日宣傳活動上就捉住嘉穎作狀打面，小心劉心悠嬲呀。


劉心悠自從同咗嘉穎拍拖成個sharp晒，上星期出席活動都勁好笑容。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄