close


41歲小儀與狗同眠講到出口恨有「Love」，41歲小儀應該真係好心急做人妻！

博セ呀

TVB真人騷《盛女愛作戰》全城熱潮，港女師奶宅男型佬個個唔願轉台，事後仲要上fb賽後檢討，肉緊過對住自己女友。香港多單身女，其實娛樂圈都有唔少黃金剩女等緊變盛女，未必擁有碩士學位，但肯定有樣有錢有名氣，加上明星要keep住見人，唔會學似情傷暴瘦嘅Suki咁難搞囉！


外表細細粒似廿幾歲嘅小儀，原來已經41歲！拍檔森美晨早結婚生埋仔女，小儀今時今日都未遇到真命天子。恨拍拖恨到出面，可惜前年同出版社肥仔CEO得1年貨仔即玩完，緋聞男友金剛又專吼索模，小儀惟有晚晚攬實愛犬Dee Dee解悶。其實小儀有車有樓有狗咁好條件，係班港男唔識欣賞啫！

30歲薛凱琪　悶爆宅女
22歲出道嘅Fiona，話咁快已經30歲。踏入中女之齡，傳來傳去得房祖名、方大同及威尼斯酒店黑人高層，實情仲未有着落。唔使錄音拍戲嘅日子，Fiona唔係陪媽咪食飯，就係匿埋屋企玩貓畫畫，最多同公司同事夜跑發洩精力，深閨過宅男！雖然Fiona仲有少女味唔憂嫁唔出，但香港女多筍盤少，都係積極啲好！

46歲鄧萃雯　姊妹陪食
先後同萬梓良、鄭敬基同江華傳過緋聞，46歲雯女近年雖然又攞視后又賺人仔，但愛情生活dry爆，搵極都未有好對象。冇拖拍，好在雯女人緣好，現時拍緊《金枝慾孽II》嘅佢，收工有伍詠薇等大班同劇好姊妹陪食飯，平時又返教會與神對話，冇仔一樣活得精采！ ####


出名有愛心嘅小儀，放假必定陪Dee Dee周圍玩，話唔定放狗會遇到靚仔呢！


小儀攬住「志明」個樣冧到爆，恨死其他港女啦！


愛上跑步嘅Fiona，只會搵公司同事陪跑，唔通方大同房祖名都唔鍾意運動？


唱歌拍戲掂，估唔到Fiona連畫畫都有天分，不過一個人對住塊畫板全日，好難識到人喎！


雯女（箭嘴）同班好姊妹食飯都飲到面紅紅，冇仔一樣high！


雯女上月生日，蔡少芬祝佢早日搵到男友，連雯女都讚佢夠實際！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄