close


Mag身邊唔少男性朋友，上星期FBI發現佢同馮允謙（左二）、廖仲謙（左三）等巨聲出街，羅孝勇當然傍實女友啦。

林欣彤（Mag）被揭跟男友羅孝勇同居後，巨聲幫小情人再不避嫌出雙入對，而男方工作量少之又少，反而Mag就經常爆期，不過唔緊要，事關FBI收到風只要Mag開工，羅孝勇都會做司機揸住佢部上個月先落地嘅Audi A5接送。前排FBI喺無綫撞正Mag收工，同行仲有幾位「巨聲」，出閘之後，Mag好自然上咗男友架車，好有默契囉。


據聞Mag拍《起勢搖滾》，導演Jacky（李志倫）對佢好殷勤，大細超都唔算，又主動問Mag交換電話聯絡，不過Jacky一向都係出名溝女王，但Mag有個跟得男友，Jacky當然冇行啦！ ####


最近Mag出席活動都唔見有助手陪同，但司機男友就次次出現。當日羅孝勇就揸住佢部價值50萬嘅Audi A5接女友同其他巨聲放工，雖然冇嘢撈，但羅孝勇勝在家底搭夠。


《起勢》首映當晚，Jacky（後排左一）同Mag明顯避忌，舉杯祝酒都刻意唔望對方。Mag話唔會刻意約羅孝勇睇《起》片，「朋友嚟啫，係都一班人一齊去睇啦！」

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄